@bakytbek.shuashev: КҮДІКТІ ӘЙЕЛГЕ ЖЕҢІЛ АЙЫП ТАҒЫЛУЫ ТИІС... Абай облысы Аягөз аудандық полиция бөлімі жәбірленушінің денсаулығына келген ауыр зиянға байланысты ҚР Қылмыстық кодексінің 106-бабының 1-бөлігімен тергеу әрекеттерін бастаған. Аталған қылмыс төмендегі негіздер бойынша ауыр айыппен заңсыз сараланған. Өйткені қылмыстық оқиғаның мән-жайы бойынша егде тартқан алпыс жастағы әйелдің үйіне жәбірленуші заңсыз баса-көктеп кіріп ,сол үйде демалып жатқан қонаққа күтпеген жағдайда шауыл жасап ,оны аяусыз ұрып соққан және қонақты арашалауға ешқандай мүмкіндік бермеген. Бет-аузы қанға боялған қонақ тек өзін ғана құтқару мақсатында үйден жалаң аяқ қашып шыққан. Осы аралықта ас үйдегі столдың жанында психологиялық ауыр жағдайда тұрған әйел өзіне қарсы жүрген құқық бұзушыны өзіне жақындатпау үшін қолындағы ас пышаған оған қарсы сілтеп оның денсаулығына ауыр дәрежедегі зиян келтірген. Осы қылмыстық оқиғаға байланысты күдікті әйелге жоғарыда көрсетілгендей оған ауыр айып емес , қажетті қорғаныс шегінен шығу кезінде жасалған қылмыс ретінде ҚР Қылмыстық кодексінің 112-бабының 1-бөлігімен сараланатын жеңіл айып тағылуы тиіс. АДВОКАТ: ШУАШЕВ.Б. #Заң_мен_Тәртіп
