@konkretaz: Masazır qəsəbəsində yerləşən 5 nömrəli tam orta məktəbin 5“Ç” sinfində təhsil alan şagirdlərin sinif problemi ilə üzləşdiyi iddia olunur. Valideynlərin sözlərinə görə, artıq iki həftədir sinif məsələsi ilə bağlı məktəb rəhbərliyinə müraciət etsələr də, problem həll olunmur. İddialara görə, şagirdlər dərs otağı əvəzinə məktəbin zirzəmi tipli, havasız və rütubətli ərazisinə yönləndirilib, hətta partaları özləri daşımalı olublar. Valideynlər bildirirlər ki, həmin məkanda havalandırma problemi var, pəncərələrin açılması mümkün deyil və rütubət səbəbindən uşaqların səhhəti ilə bağlı narahatlıq yaranıb. Onların sözlərinə görə, qarşıdan gələn soyuq hava şəraitində vəziyyət daha da çətinləşə bilər. “Biz uşaqlarımızı təhsil almağa göndəririk, fəhləlik etməyə yox. Şagirdlər niyə parta daşımalıdır?” – valideynlərdən biri narazılığını bildirib. Valideynlər həmçinin sual edirlər: məktəbdə sinif çatışmazlığı varsa, nə üçün yeni şagird qəbulu aparılır və uşaqların normal təhsil alması üçün şərait yaradılmır? Məsələ ilə bağlı aidiyyəti qurumların araşdırma aparması və 5“Ç” sinfinin şagirdləri üçün normal, təhlükəsiz və təhsilə uyğun sinif otağının ayrılması xahiş olunur.

KONKRET.az

Open In TikTok:

Region: AZ

Wednesday 16 September 2026 13:53:57 GMT