محبت کا آخری مقام ہمیشہ وصال نہیں ہوتا، کبھی کبھی اس کی انتہا جدائی ہوتی ہے۔ جب انسان اپنے محبوب کو اس حد تک چاہنے لگے کہ اس کی خوشی اپنی خواہش سے زیادہ عزیز ہو جائے، تب محبت اپنے بلند ترین درجے پر پہنچ جاتی ہے۔ مگر محبت کا انجام ہمیشہ ساتھ رہنا نہیں ہوتا، کیونکہ کچھ رشتے اور کچھ محبتیں قربانی مانگتی ہیں، اور سب سے بڑی قربانی یہ ہوتی ہے کہ انسان خود کو پیچھے کر دے۔ وہ لمحہ کتنا کٹھن ہوتا ہے جب دل چیخ چیخ کر روکنا چاہتا ہے، مگر زبان سے یہ کہنا پڑتا ہے کہ میں تم سے دور ہو رہا ہوں کیونکہ تمہاری خوشی میری موجودگی سے زیادہ ضروری ہے۔ یہ کمزوری نہیں بلکہ محبت کی سب سے بڑی طاقت ہوتی ہے، کیونکہ سچی محبت قید نہیں کرتی بلکہ آزاد کرتی ہے۔ کبھی کبھی ہم ساتھ رہ کر بھی اپنے محبوب کو سکون نہیں دے پاتے، اور کبھی کبھی دور ہو کر ان کی زندگی آسان بنا دیتے ہیں۔ محبت کا آخری امتحان شاید یہی ہے کہ آپ اپنی چاہت کو قربان کر کے ان کی مسکراہٹ بچا لیں، اپنی خواہشوں کو خاموش کر کے ان کے خوابوں کو زندہ رہنے دیں۔ ہر کوئی اس مقام تک نہیں پہنچ پاتا؛ زیادہ تر لوگ محبت میں صرف پانا چاہتے ہیں، مگر بہت کم لوگ چھوڑنے کی ہمت رکھتے ہیں، کیونکہ دور ہو جانا آسان نہیں ہوتا۔ بعض اوقات یہی سب سے بڑی جیت ہوتی ہے، اپنے نفس پر جیت، اپنی انا پر جیت۔ اگر کبھی اپنے محبوب کی خوشی کے لیے اس سے دور ہونا پڑے تو یاد رکھنا، تم نے محبت کو ادھورا نہیں چھوڑا بلکہ اسے مکمل کر دیا، کیونکہ محبت کا سب سے خوبصورت روپ وہ ہوتا ہے جہاں "میں" ختم ہو جاتی ہے اور صرف تمہاری خوشی باقی رہتی ہے#emotionalpoetry #poetryrecitation #heartbreakpoetry #ghazalvibes #poetrycommunity - @ma885000