@aisha.alharbi95: سماش برجر مع صوص الفلفل الأسود الكريمي 🍔🍟 البرجر ١٠/١٠ الصوص ١٥/١٠ كومبنيشن خياليييي (بس ثقيييييل) يستاهل التجربة مليون مره ♥️ - البصل المكرمل * بصلة مقطعة شرائح * ملعقة كبيرة زبدة * ملعقة صغيرة زيت * رشة ملح * شوي ورشستر صوص - نحط الزبدة والزيت ونضيف البصل ورشة ملح، ونخليه على نار متوسطة إلى هادية مع التقليب من فترة لفترة لين يذبل ويتكرمل ويصير لونه بني. بالنهاية نضيف شوي ورشستر صوص ونقلب دقيقة. - صوص البلاك بيبر: * كوب وربع كريمة طبخ * نص كوب حليب * ملعقتين كبيرة زبدة * نص بصلة مقطعة صغير * كوب ونص مشروم مقطع * فصين ثوم مفروم * ملعقة ونص صغيرة فلفل أسود مجروش * نص كوب بارميزان * ملعقة صغيرة بودرة بصل وبابريكا * نص مكعب مرقة لحم جاهزة (اختياري) * ملح - نذوب الزبدة مع الزيت ونحمس البصل لين يذبل، بعدها نضيف المشروم ونحمسه لين يتحمر. نضيف الثوم والفلفل الأسود ونحمسهم شوي، بعدها الكريمة والحليب والبهارات ونخليه على نار هادية كم دقيقة. بالنهاية نضيف البارميزان ونحرك لين يذوب. - للسماش برجر: * لحم عجل مفروم (٩٠ غرام لقطعة اللحم الوحدة) * ملح وفلفل أسود * شرائح جبنة كولبي جاك * شوي زيت * خبز بريوش - نسخن الطاوة ونحط مسحة زيت خفيفة. نحط اللحم على الطاوة الحارة، ونضغط عليه بأداة السماش بقوة تقريبًا 10 ثواني ونرش عليها ملح وفلفل أسود ونترك اللحم بدون ما نحركه لين يتكون تحته كرست ويصير كريسبي. نقلبه ونحط الجبنة فوقه ونتركها لين تذوب وبعدها نحط اللحمتين فوق بعض. - نحمص خبز البريوش، ونحط مسحة خفيفة من صوص البلاك بيبر، بعدها اللحمتين ونمسح شوي من الصوص وشوي من البصل المكرمل. - وأخيرًا نحط صوص البلاك بيبر في الصحن ونحط البرقر فوقه ونرش عليه شوي برميزان من فوق. وبالعافية 🤍 #smashburger #burger #برجر #وصفات #وصفات_سهله

Aisha AlHarbi

Open In TikTok:

Region: SA

Wednesday 16 September 2026 16:40:03 GMT