@qanun_tv3: Amerikanın Townhall nəşri bəzi Qərb mediasının Azərbaycan və Ermənistan arasında sülh prosesinə mane ola biləcək yanaşmaları yaydığını iddia edib və bu istiqamətdəki xəbərləri tənqid edib Poliqon xəbər verir ki, Amerikanın Townhall nəşrində dərc olunan məqalədə bir sıra Qərb mediası Azərbaycanla Ermənistan arasında sülh prosesinə mane ola biləcək narrativləri yaymaqda ittiham edilib. Müəllif Ermənistan ərazisindəki Rusiya hərbi bazası ilə bağlı Avropa mediasında yayılan materiallarda Azərbaycanın Ermənistan üçün təhlükə yaratdığı və İrəvanın Azərbaycandan müdafiə edilməsinin vacibliyi barədə eyni tezisin təkrarlanmasını tənqid edib. Məqalə müəllifinin fikrincə, bəzi Avropa nəşrləri Ermənistanın təhlükəsizliyi məsələsini təqdim edərkən Azərbaycanla Ermənistan arasında uzunmüddətli münaqişənin tarixi və siyasi kontekstinə kifayət qədər diqqət yetirmir. Townhall-da dərc olunan yazıda Azərbaycanın münaqişə zamanı ərazilərinin işğala məruz qaldığı vurğulanıb. Müəllif bunun Ermənistanın təhlükəsizliyi ilə bağlı yanaşmaların təqdimatında nəzərə alınmalı olan əsas məqamlardan biri olduğunu bildirib. Məqalədə Qərb mediasının Azərbaycan və Ermənistan arasında sülh prosesində əldə olunan irəliləyişləri işıqlandırmaq əvəzinə, Bakı və İrəvanı tənqid edən şəxslərə daha geniş platforma təqdim etdiyi iddia olunub. Müəllif həmçinin Azərbaycan və Ermənistan arasındakı münasibətlərin siyasi kontekstinin və tərəflər arasında mövcud əlaqələrin mediada kifayət qədər əks etdirilmədiyini düşünür. Yazıda bu yanaşmanın iki ölkə arasında uzun illər davam edən münaqişənin başa çatdırılması istiqamətindəki səylərə mənfi təsir göstərə biləcəyi irəli sürülüb. Məqalənin sonunda müəllif “Faktlar yaxşı hekayəyə mane olmamalıdır” ifadəsini işlədərək bəzi media materiallarının hadisələrin təqdimatında seçici yanaşmadan istifadə etdiyini iddia edib. Townhall müəllifinin qənaətinə görə, bu cür informasiya gündəliyi Azərbaycan və Ermənistanın çoxillik münaqişəni başa çatdırmaq və davamlı sülh yaratmaq istiqamətində göstərdiyi səyləri kölgədə qoya və zəiflədə bilər. Məqalə müəllifi eyni zamanda Qərb mediasında Azərbaycan-Ermənistan münasibətlərinə dair materialların hazırlanması zamanı münaqişənin tarixi, tərəflərin mövqeləri və hazırkı siyasi proseslərin birlikdə nəzərə alınmasının vacibliyini vurğulayıb.

Qanun.tv

Open In TikTok:

Region: AZ

Wednesday 16 September 2026 16:57:57 GMT