@user072078140: رات کی خاموشی میں جاگنے والوں سے پوچھو، ایک ایک لمحہ گزرنے میں کتنی صدیوں جیسا درد ہوتا ہے۔ جن کی آنکھوں سے نیند کسی کی بے وفائی، جدائی اور یاد نے چھین لی ہو، جو رات بھر کسی بچھڑے ہوئے شخص کو یاد کرتے ہوئے اُس کی دی ہوئی تکلیف کو سینے میں لیے خاموشی سے کروٹیں بدلتے رہتے ہیں، صرف وہی جانتے ہیں کہ ایک ایک رات گزرنے میں کتنا وقت لگتا ہے۔ گھڑی کی سوئیاں چلتی رہتی ہیں، مگر وقت جیسے وہیں رک جاتا ہے؛ ہر لمحہ اُس شخص کی یاد میں اور بھی بھاری ہو جاتا ہے۔ جن راتوں میں آنکھوں سے آنسو بہتے رہیں اور دل کسی کے لوٹ آنے کی امید میں جاگتا رہے، اُن کے لیے ایک رات بھی پورے سال جیسی محسوس ہوتی ہے۔ شاید اسی لیے ایسے لوگ ہی جانتے ہیں کہ صبح صرف سورج نکلنے کا نام نہیں، کبھی کبھی ایک رات ختم ہونے کے لیے بھی انسان کو کئی زمانے انتظار کرنا پڑتا ہے۔