🥐 مكونات العجينة: * معلقتين ة سكر * ربع كاسة زبدة مذابة * 1 معلقة كبيرة خميرة * 1 بيضة * 1 ظرف فانيلا * تلت رباع كاسة حليب دافئ * كاستين ونص طحين، وحسب نوع الطحين الموجود عندكم ممكن تنقصوا أو تزودوا 👩🏻‍🍳 طريقة العجينة: 1. نضيف الحليب الدافئ + السكر + الفانيلا + الخميرة ونحركهم، ونتركهم كم دقيقة. 2. نضيف البيضة والزبدة، وبعدها نضيف الطحين بالتدريج. 3. نعجنها منيح لنشكل عجينة طرية وبالاخير ونحط معلقتين زبدة نعجنها شوي ونتركها ترتاح وتختمر لمدة 40 دقيقة. 🍂 مكونات الحشوة: * معلقتين سكر بني * نص كاسة قرفة * 1 إصبع زبدة مذابة طريقة الحشوة واللف:👩🏻‍🍳 1. نخلط السكر البني والقرفة مع بعض ونتركهم على جنب. 2. بعد ما تختمر العجينة، نفردها بشكل مستطيل. 3. ندهن الزبدة المذابة على كامل العجينة بشكل متساوي. 4. نرش خليط السكر والقرفة فوق الزبدة على كامل العجينة. 5. نقسم العجينة لشرائط بالطول ، ونلف كل شريط لنشكل لفائف السينابون. 6. نحطها بالبايركس مع ترك مسافة صغيرة بين كل قطعة حتى تتمدد براحتها. 7. نتركها ترتاح وتختمر مرة ثانية لمدة نصف ساعة 🔥 الخَبز: * الفرن يكون محمّى مسبقاً على حرارة 180°. * نخبزها تقريباً 20 دقيقة من تحت فقط. * وآخر كم دقيقة نشغل النار من فوق حتى ياخد الوجه لون خفيف وحلو. 🤍 الصوص الأبيض: المكونات: * 1 كاسة سكر بودرة * 4 حبات جبنة مثلثات * 1 علبة قشطة أو إذا مو موجودة، نستبدلها بـ بنص علبة كريمة خفق * شوي حليب مكثف محلى — اختياري ربع كاسه حليب سائل 👩🏻‍🍳 الطريقة: نخفق كل المكونات مع بعض حتى يتجانس الصوص، ونتحكم بالقوام حسب رغبتنا. وبعد ما يطلع السينابون من الفرن، نتركه يبرد شوي وبعدين نوزع عليه الصوص الأبيض والكراميل🤍🍯 وبالهنا والشفا❤️ - @amany.l.aa