بقيت ما مستعجلة على أي حاجة في حياتي. ❤️لأنو مع الأيام فهمت إنو كل حاجة ربنا كاتبها ليها زمن، والرزق ما بتقدمو العجلة، ولا بتأخرو الظروف. العجلة آخرها ندامة، لكن الصبر والتأني فيهم راحة، وفيهم بركة، وفيهم يقين إنو ربنا ما بضيع تعب زول ولا انتظار زول.. مهما ضاقت، ومهما حسيت إنو الحاجة اتأخرت، بكون متأكدة إنو ربنا بيدبر لي الأحسن، ويمكن الحاجة الاتأخرت دي لو جات بدري كانت ما خير لي. عشان كدا بقيت أسلم أمري لله، وأقول: يا رب اختَر لي، لأنو اختيارك دائماً أجمل من اختياري وبرضو اتعلمت إنو الزول العايز بصدق، ما بغلبو طريقك، ولا بتوقفو المسافات، ولا بتمتعو الظروف. بحاول، ويسعى، ويثبت ليك بالفعل قبل الكلام. أما الزول الرافضك، ألف عذر بكفيهو، ولو كان أقرب زول ليك، حيلقى سبب عشان ما يقرب عشان كدا بقيت ما بجري ورا حاجة، ولا بفرض نفسي على زول، ولا بستعجل رزقي، ولا بزعل على الحاجة الفاتتني. كل ما فاتني، يمكن ما كان نصيبي، وكل الخير البتمناه ح يجي في الزمن المكتوب ربنا لي. اللهم ارزقنا نصيباً جميلاً يرضي قلوبنا، وفرحة تمحي كل تعب، وأياماً مليانة طمأنينة، وحقق لينا أمنياتنا بالطريقة البترضيك عنا، واجعل القادم أجمل مما أتمنى - @rosiebloom221