@abantenews: Isang kongresistang kasapi ng house prosecution panel at isang pribadong abogado ng prosekusyon ang natukoy ng Senate impeachment court na lumabag sa subjudice rule o sa pagbabawal sa kanilang tumalakay sa merito ng impeachment cases laban kay Vice President Sara Duterte sa labas ng paglilitis. Ayon kay Atty. Reginald Tongol, impeachment court spokesperson, dahil dito, nagpaisyu si Impeachment Court Presiding Officer Francis 'Chiz' Escudero ng show cause order o pinapapaliwanag ang dalawa kung bakit hindi dapat ma-contempt ang dalawa. Binigyan sila ng 24 na oras para magsumite ng written explanation. Ayon kay Atty. Tongol, na-monitor ng impeachment court ang mga paglabag sa subjudice rule noong September 8, 14 at 15. Nakadalawang paglabag ang congressman-prosecutor at isa ang paglabag ng private prosecutor. Hindi pa tinukoy ang pangalan ng dalawa dahil isisilbi pa lang ang subpoena at humihingi pa siya ng clearance. Magugunita na noong August 26, itinakda ni Presiding Officer Escudero ang guidelines sa subjudice rule. Pinagbabawalan ang mga senator-judge, mga abogado ng Prosecution at Defense panel, kanilang mga testigo, at pati ang nililitis na si VP Sara na magkomento sa publiko sa merits ng pending na impeachment cases. Batay sa naging ruling ni Escudero, ang subjudice violators ay ire-reprimand sa unang paglabag, may ₱30,000 nang multa sa kada pag-ulit ng paglabag. | via Jojo Sicat, Abante News

Abante News

Open In TikTok:

Region: PH

Wednesday 16 September 2026 23:10:41 GMT