@kohtet131242: မင်းဖြစ်စေချင်တာက ကိုယ့်ကိုနောင်တရနေစေချင်တာမလား.. မင်း တွေးနေတာတွေကို ကိုယ် ရိပ်မိပါတယ်။ မင်း နောက်ဆုံးခြေလှမ်းတွေကို လှမ်းသွားတဲ့အခါ ကိုယ့်ကို နောင်တတွေနဲ့ ကျန်ခဲ့စေချင်တာ၊ အမှားတစ်ခုခု လုပ်ခဲ့မိသလိုမျိုး ရင်ဘတ်ထဲ ဆို့တက်နေစေချင်တာ မလား။ မင်း ဖြစ်စေချင်တဲ့အတိုင်း ကိုယ် စိတ်မကောင်းဖြစ်ရတာတော့ အမှန်ပါပဲ။ ဒါပေမဲ့ အဲ့ဒီစိတ်မကောင်းဖြစ်ရခြင်းထဲမှာ ကိုယ့်ကိုယ်ကိုယ် အပြစ်မြင်တဲ့ နောင်တတော့ မပါဘူး။ ဘာလို့လဲဆိုတော့ ကိုယ် မင်းအပေါ်မှာ တာဝန်ကျေစွာ ချစ်ခဲ့လို့ပါပဲ။ ကိုယ့်ဘက်က ပေးခဲ့တဲ့ သံယောဇဉ်တွေ၊ ဂရုစိုက်မှုတွေနဲ့ နားလည်ပေးမှုတွေ အားလုံးက ဘာအတုယောင်မှ မပါတဲ့ အစစ်အမှန်တွေချည်းပဲ ဖြစ်ခဲ့လို့ပါ။ မင်းကတော့ ရှေ့ဆက်ဖို့ လမ်းကို အနာတရ ကင်းကင်းနဲ့ ပြတ်ပြတ်သားသား ရွေးချယ်သွားနိုင်စေချင်တယ်။ ကိုယ်ကတော့ မင်းလို မပြတ်သားနိုင်ခဲ့ဘူး။ တွယ်တာမိတဲ့ လက်တစ်စုံကို လွှတ်ချဖို့ ကိုယ့်မှာ အချိန်တွေ အများကြီး ယူခဲ့ရသလို၊ အခုထိလည်း သတိရခြင်းတွေက ရုတ်တရက် ရုန်းမထွက်နိုင်သေးဘူး။ ဒါက ကိုယ် ညံ့ဖျင်းလို့ မဟုတ်ပါဘူး၊ မင်းအပေါ် ထားခဲ့တဲ့ စိတ်က တကယ် လေးနက်ခဲ့လို့ပါ။ မင်းနဲ့ ရှိနေခဲ့တဲ့ အချိန်တစ်လျှောက်လုံးမှာ "မင်းဘဝလေး အဆင်ပြေပါစေ၊ စိတ်ချမ်းသာပါစေ" လို့ ကိုယ် အမြဲတဖွဖွ ပြောခဲ့တာတွေက နှုတ်ကျိုးရုံ ပြောခဲ့တဲ့ စကားတွေ မဟုတ်ပါဘူး။ ကိုယ့်ရင်ထဲက တကယ်ဖြစ်စေချင်တဲ့ ဆုတောင်းတွေပါ။ အခုလို လမ်းခွဲလိုက်ရတဲ့အခါ မင်းကို ကိုယ့်က စွန့်ပစ်ပြီး နှင်ထုတ်ခဲ့တာမျိုးလည်း မဟုတ်ပါဘူး။ ကိုယ်တို့ကြားထဲက အခြေအနေတွေကြောင့်ပဲ ဖြစ်ဖြစ်၊ မင်းရဲ့ ရွေးချယ်မှုကြောင့်ပဲ ဖြစ်ဖြစ် လမ်းခွဲခဲ့ကြတာမို့ ကိုယ့်ကိုယ်ကိုယ် သနားစရာကောင်းတဲ့ နစ်နာသူတစ်ယောက်လို ဟန်ဆောင်ပြီး လူတကာရှေ့မှာ မျက်ရည်ကျပြဖို့လည်း အစီအစဉ်မရှိပါဘူး။ အချစ်မှာ ရှုံးနိမ့်သွားတယ်ဆိုတာ ရှက်စရာမှ မဟုတ်တာ။ ကိုယ် လတ်တလော နာကျင်နေရတာက မင်းကို တကယ်ချစ်ခဲ့လို့၊ တကယ်မြတ်နိုးခဲ့လို့ ဖြစ်ရတဲ့ သဘာဝတရားတစ်ခု သက်သက်ပါပဲ။ ကိုယ်တို့ရဲ့ ဇာတ်လမ်းက ပြီးသွားပေမဲ့ ကိုယ် ပေးခဲ့တဲ့ အချစ်တွေကတော့ မင်းအတွက် အမြဲတမ်း စစ်မှန်နေဦးမှာပါ။ #fyp #foryou #foryoupage #fyppppppppppppppppppppppp

228

There are no more comments for this video.

To see more videos from user @kohtet131242, please go to the Tikwm homepage.