“Ma sida dadku kuu arkaan baa runtaada ah, mise sida aad adigu isu aragto?” Mararka qaar dadka waxay inoo arkaan si ka duwan sida aan nafteena u aragno. Qof ayaa laga yaabaa inuu dadka hortooda u muuqdo qof caadi ah,tabar daran ama aan wax badan gaari karin,halka gudaha uu ka qabo rajo,karti iyo mustaqbal weyn. Sidaa darteed,su’aashu waxay tahay: ma ku noolaannaa aragtida dadka,mise waxaan aaminsannahay qofka aan dhab ahaan nahay? 1️⃣.Dadku waxay arkaan muuqaalkaaga Dadka badankood waxay qiimeeyaan waxa ay indhahoodu arkaan: xaaladdaada maanta,khaladaadkaaga iyo waxa aad haysato. Laakiin ma arkaan dadaalka,riyada iyo dagaalka aad naftaada kula jirto. 2️⃣.Adigu waxaad taqaan waxa gudahaaga ku jira Adiga ayaa og inta jeer ee aad dhacday oo aad haddana kacday. Waxaad ogtahay awooddaada iyo waxa aad rabto inaad mustaqbalka noqoto. 3️⃣.Ha u oggolaan aragtida dadka inay qeexdo qiimahaaga Haddii qof kuu sheego “ma awoodid”, taasi ma noqonayso xaqiiqada noloshaada. Hadalka dadka waa aragti; qiimahaaga iyo kartidaada adiga ayaa si dhab ah u garan kara. 4️⃣.Is-aragtida wanaagsan waxay dhistaa mustaqbalka Markaad naftaada ku aragto qof wax qaban kara,waxaad bilaabaysaa inaad u dhaqanto sida qofkaas. Kalsoonida nafta ma aha kibir;waa inaad rumaysato in aad wax baran karto oo aad horumar samayn karto. 5️⃣.Sawirka aad maanta tahay ma aha kan aad berri noqon doonto Waxaa laga yaabaa in maanta aad naftaada ku aragto meel hoose,laakiin berri waxaad noqon kartaa qof gebi ahaan ka duwan. Ha ku xukumin mustaqbalkaaga xaaladdaada maanta. Gunaanad Ugu dambayn, dadka waxay kuu arki karaan sida ay iyagu rabaan,laakiin adiga ayaa go'aaminaya qofka aad rabto inaad noqoto. Ha noqon qof noloshiisa ku dhisa hadalka dadka. Naftaada rumayso, dadaalkaaga sii wad,oo maalin maalmaha ka mid ah sawirka aad naftaada ku aragto ayaa noqon kara xaqiiqada ay dadka kale ku arkaan. Xigasho - @abdizadehonest