@preahpout00099: ☸️ព្រះអង្គផ្ចាញ់កូនមារទាំងបី ក្រុងមារ (វសវត្តីមារ) បានចាត់វិធានការចុងក្រោយដោយបញ្ជូនបុត្រី (កូនក្រមុំ) ទាំង ៣ នាក់របស់ខ្លួនឱ្យមកប្រឡោមលោម និងបង្អាក់ការតាំងចិត្តរបស់ព្រះសម្មាសម្ពុទ្ធ។ ហេតុការណ៍នេះបានកើតឡើងបន្ទាប់ពីក្រុងមារបានបរាជ័យក្នុងការប្រើកងទ័ពអាវុធមកគំរាមកំហែងព្រះអង្គ។ • នាងតណ្ហា :តំណាងឱ្យសេចក្តីប្រាថ្នា ចង់បាន និងការលោភលន់។ • នាងអរតី :តំណាងឱ្យសេចក្តីអផ្សុក សេចក្តីមិនត្រេកអរ និងការមិនពេញចិត្ត។ • នាងរាគា :តំណាងឱ្យសេចក្តីត្រេកត្រអាល តម្រេក និងកាមគុណ។ 🪷ពួកនាងបានប្រើល្បិចកលកាយវិការ និងការប្រែក្រឡាជារូបរាងនារីគ្រប់វ័យ (តាំងពីក្រមុំរហូតដល់ចំណាស់) ដើម្បីមកដាស់ទសកាយវិការ ល្បួងព្រះអង្គឱ្យធ្លាក់ក្នុងកាមតណ្ហា។ ប៉ុន្តែ ព្រះពុទ្ធបរមគ្រូ ទ្រង់មានព្រះទ័យនឹងធ្លឹង មិនរវីរវល់ ឬញាប់ញ័រទៅតាមការល្បួងនោះឡើយ រហូតដល់ធ្វើឱ្យបុត្រីមារទាំងបីនាក់ទទួលបរាជ័យ ហើយថយចេញទៅវិញដោយសេចក្ដីអៀនខ្មាស។