@kidaneweld4: 🕯️በመስቀል የተረታ ሞት!❤ ሐምሌ 22 ቀን 1928 ዓ.ም፤ አዲስ አበባ በመድፍና በጠመንጃ ድምፅ ተሸብራ ነበር። ነገር ግን በአደባባዩ የቆሙት አባት አቡነ ጴጥሮስ ከሚተኮሰው ጥይት ይልቅ የሚታያቸው ሰማያዊው አክሊል ነበር። የሙሴ ፓይላክ ምስክርነት እንደሚያሳየው፣ የቅዱስነታቸው የመጨረሻ ደቂቃዎች ጥልቅ መጽሐፍ ቅዱሳዊ ትርጉም ነበራቸው፡- 1. መጽሐፍ ቅዱስን መሳለም (የቃሉ ፍቅር) አቡነ ጴጥሮስ መጀመሪያ ያደረጉት መጽሐፍ ቅዱሳቸውን መሳለም ነበር። ይህ የሚያሳየው "ሰው ከእግዚአብሔር አፍ በሚወጣ ቃል ሁሉ እንጂ በእንጀራ ብቻ አይኖርም" (ማቴ 4፡4) የሚለውን መርህ ነው። ለቃሉ ታምነው ለቃሉ ሞቱ። 2. ሕዝቡን በመስቀል መባረክ (የፍቅር ኃይል) ሊገድሏቸው ለቆሙት ወታደሮችና ለተጨነቀው ሕዝብ መስቀላቸውን አነሱ። ጌታችን በመስቀል ላይ ሆኖ "የሚያደርጉትን አያውቁምና ይቅር በላቸው" እንዳለ፣ እሳቸውም በክርስቶስ ፍቅር ሕዝባቸውን ባረኩ። መስቀል ለዓለም ሞኝነት፣ ለእሳቸው ግን የእግዚአብሔር ኃይል ነበር። 3. ሰዓት ማየት (የጊዜው ፍጻሜ) የኪስ ሰዓታቸውን አውጥተው ማየታቸው፣ ምድራዊው ሩጫቸው መፈጸሙንና ወደ ዘላለማዊው ጌታቸው የሚሄዱበት ሰዓት መድረሱን ለማረጋገጥ ይመስላል። "መልካሙን ገድል ተጋድያለሁ፣ ሩጫዬን ጨርሻለሁ" (2 ጢሞ 4፡7) የሚለውን የሐዋርያው ጳውሎስን ቃል በተግባር አሳዩ። 4. የሕዝቡ ጭብጨባ (የቁጭት መዝሙር) ወራሪው ኮሎኔል ጭብጨባውን "የደስታ" መስሎት ነበር። ነገር ግን የኢትዮጵያ ኦርቶዶክሳዊ ታሪክ እንደሚያስተምረን፣ ያ ጭብጨባ በኃዘን የተሞላ፣ ግፍን የሚቃወም "ዋይ ዋይ" የሚል የልብ ድምፅ ነበር። ዓለም በውጫዊ ድርጊት ስትታለል፣ እግዚአብሔርና ሕዝቡ ግን የልብን ሐዘን ያውቃሉ። 📌 መልእክታችን፡ ዛሬም እንደ አቡነ ጴጥሮስ❤ ለሃይማኖታችንና ለሀገራችን ጽናት ይኑረን። የጠላት ዛቻ ሳይሆን የእግዚአብሔር ቃል ይምራን። ብርሃነ ሰማዕትነታቸው ይብራብን! ጸሎታቸውና በረከታቸው ከሁላችን ጋር ይሁን። "ለነፍሱ የሚሳሳላት ያጠፋታል፤ ነፍሱንም በዚህ ዓለም ስለ እኔ የሚጠላት ለዘላለም ሕይወት ይጠብቃታል።" (ዮሐንስ 12፡25) ✍️ዲ/ን ኪዳነ ወልድ

ዲ/ን ኪዳነ ወልድ

Open In TikTok:

Region: ET

Thursday 17 September 2026 10:57:30 GMT