@bizimyolinfo: “Əgər hər şeyin olduğu kimi qalmasını istəyiriksə, çox şeyi dəyişməliyik” — Lampeduzanın “Leopard” romanındakı məşhur fikirdir. “Lampeduzianizm” də zahirən hər şeyi dəyişdirib mahiyyəti toxunulmaz saxlamaqdır. Prezident İlham Əliyevin sözləri ilə desək, dünya dəyişib və güc amili ön plana çıxıb. Lakin beynəlxalq münasibətlərdə ikili standartlar və ədalətsizlik hələ də qalır. Fərq ondadır ki, indi bunlar daha açıq görünür. Azərbaycan da bu ədalətsizlikdən əziyyət çəkən ölkələrdəndir. Prezident bu məsələləri açıq şəkildə gündəmə gətirir və mövqeyini faktlarla əsaslandırır. Onun dini rəhbərlərlə görüşdə bu mövzulara toxunması da təsadüfi deyil. Çünki dinin mahiyyətində İlahi ədalət, humanizm və barış dayanır. Azərbaycan dünyəvi dövlətdir, dövlət dindən ayrıdır, amma bu, qarşıdurma demək deyil. Ədalət və humanizm həm dövlətin, həm də dinin ortaq mənəvi dəyərləridir. Azərbaycan işğal, terror və etnik təmizləmə ilə üzləşsə də, öz humanist və milli-mənəvi dəyərlərindən imtina etmədi. İkinci Qarabağ müharibəsində də Prezidentin vurğuladığı kimi, mülki əhali hədəf alınmadı. Əsl dindarlıq yalnız ayin və ibadət deyil, hər şeydən əvvəl ədalətə sədaqətdir. Azərbaycan kimsədən mərhəmət ummadı, ədalət tələb etdi və onu özü bərpa etdi. Azərbaycan orta gücdür, amma ortabab deyil.

Bizimyol.info

Open In TikTok:

Region: AZ

Thursday 17 September 2026 12:39:42 GMT