@za33g: رفعت عيوني الـه وكتله صحيح كلامك وشكـرا ...ولـو ماريد ازحمك گال لااا ورده شسالفه رحمـه ابتسمت وفتحت الطلب واتفاجئت من شفته ريزو والرمانيه وقوطيه ببسي وهذا اكلي المفضل ؟رفعت حاجب بأبتسامه وتعجب وكتله شمدريك ؟ دنگ بضحكه وگال اغلب ستورياتج تاكلين ريزو ورمانيه وببسي لااا ارادياا ابتسمت وصفنت بي وبتركيزه وشلون مهتـم ؟ كتله والله ما اردهن ذني نقطه ضعفي گال وهوو مبتسـم "عافيات ورده عافيات " فتحت الريزو وكتله صراحه ممتعوده اكل وحدي فـ اتفضل وياي هستوه ديحجي كتله اهلك ديتعشون وانت اجيت جبتلي فـ اكيد ممتعشي فـ اتفضل ولتعاند گال بهمس خفيف " شمالني اعاند وياج " رفعت راسي الـه وكتلـه هااا كال لااا هيج ابتسمت بهدوء وانطيته الخاشوكه اخذها وگال مترهم نعاندج فـ بدينه ناكل ونباوع للحديقه والشارع والجـوو باااارد والاجواء تجنن وكولش حبيت شي بداخلي فررح فـ اجيت دافتح القوطيه بس اضافري طوال ومدتصيرر وعيوني باوعتله بأهتمام من اخذ القوطيه من ايدي فتحهاا بهدوء وقدمهاا الي بعفويـه ورجولـه ... مدري بس اهتمامه ديلفت انتباهي كولش كتله بصوت ناصي ومتقطع " شكــ...شكـرررا" گال العفوو دكتـوره كتله ممرضه للتوضيح ميل راسه يباوعلي وگال دكتوره ابتسمت ودنگت بخجل ع عناده ... الجوو برد شويه شويه واحس ح اتمرض فـ كملنه اكل وبديت افرك اديني من البرد بهدوء وعيون احمد تترقبني وتباوعلي بأنتباهـه بهل اثناء دگ جهازه فتح خط شويه وگال جايكم هسه فـ سده وباوعلي وگال اترخص دكتوره بنـت عمي اجت ورايح اجيبهاا من الشارع كتله هااا يي تكدر تاخذ راحتك وشي بداخلي ضااج منـوو بنت عمـه ؟ وليش الا هوو يجيبهاا شتت انتباهي وتفكيري من خلـه ع جتفي قمصلته وكال " مبين بردتي " كتله بتوتـر لااا احمدد كال شسالفه بويـه اتدفي بيهـاا واني موجود ترجعيهااا من تدخلين ولفت انتباهي عطرر قمصلتـه وشلون سطرني من خلاها ع جتفي وعطره دخل ريتي يسطرر سطـرر رفعت عيوني الـه ورا ثواني كتلـه تمـام بتردد وارتبـاك ابتسملي وراح ع الشارع واني مدري شصارلي فرحت بتصرفاته اليوم واهتمامه وتركيزه وضجت من بنت عمه .... شمـس : اني وميوسه ضحك وسؤالف ويه الخوال والخالات ملتـمين فـ رحت كعدت يم خالاتي وماما وطلعت المفتاح من صدري وكتلهن احمم مفتاح بيتيي 😉 ماما صفنت بوجهي وكتلهه البيت الي عاجبج الي بشارعنه صار بيتي يحلوه وغمزت لماما ! ضحكت ميوسه وكالت العباس عليجج كتلهه والله وازيدجن من الشعر بيت بأسمي حبيبي جابـه الي 🙈 ماحسيت الا ماما هزت ايدها وكالت والله خايفه ع عليوي اتسودن ع شميسه كتلهه ياااا كالت ولطمااا يعرامتج لو ما بتي اكولن ساحرته ضحكت اني وميوسه ونمنه بالكاع من الضحك وميوسه غمزتلي وكالت هذا الحوار لازم نعيده كدام سجئ صار عندي فضول اشوف شيصير بيهاا كتلهه مو تدللين فـ اخذتنه السؤالف وررا شويـه طلعنه ويه بنات خالتتي البقيه بالحديقه وحرفياا اتونسنه لمه وضحك وسؤالف فـ كاعدين وكلت اراسل علي مشتاقتله فـ كتله هلاو حبيبي ورا ربع ساعه گال هلاا بابـه شلونج كتله تمـام يروحي وانت شلونك اتعشيت بعدك ...دنتراسل ...گال لااا لحد الان اتخربطت اسراء واحنه وياها بالمستشفئ كتله عزززه شبيها سرو ؟ ورا 10 دقايق كاتب " سرو حامل " اضن صرتي عمـه يعشگي ✨ كتله اااااحلف دزلي بصمه يضحك ضحكه رجوليه وگال "وحگ عيونج الاعشگهن✨ " مااتحملت رحت لماما ركض وطكيتها بهلهولـه الكل اجه يريد يفهم شكوو كتلهاااا افرحييي ماما افرحيييي سرو حامل وحيصير عندج حفيدددد ماحسيت الا ماما كامت وكالت ولج شميسه لااا تشاقين وياي هيجج ..

آلِــ عِــنِـــود 🎀

Open In TikTok:

Region: IQ

Thursday 17 September 2026 13:19:05 GMT