@kokoronokeshiki: ဒီနေ့ ကြက်ဟင်းခါးသီးကြော်မယ်။ ကျွန်မက ကြက်ဟင်းခါးသီး သိပ်ကြိုက်ပါတယ်။ တစ်နေ့က ကြက်ဟင်းခါးသီးတဲ့ပတ်သက်တဲ့ စာတစ်ပုဒ်ဖတ်မိတယ်။ စာထဲမှာ ကြက်ဟင်းခါးသီးကို လူကြီးလူကောင်းဟင်းလို့ တင်စားထားတယ်။ ကျွန်မ ပြောပြမယ်နော်... လင်မယားနှစ်ယောက်ရှိတယ်။ ယောက်ျားက ကြက်ဟင်းခါးသီး သိပ်ကြိုက်တယ်။ မိန်းမက သိပ်မကြိုက်ဘူး။ မကြိုက်တော့ သူဟင်းချက်တဲ့အခါ ကြက်ဟင်းခါးသီး ချက်လေ့မရှိဘူး။ ယောက်ျားကကြိုက်တော့ သူကိုယ်တိုင်မီးဖိုချောင်ဝင်ရင် ကြက်ဟင်းခါးသီးဟင်းက ပါကိုပါတယ်။ ကြက်ဟင်းခါးသီးစားရင် ကောင်းတယ်လို့ ယောက်ျားက အမြဲပြောတယ်။ မိန်းမမီးဖိုချောင်ဝင်လို့ ကြက်ဟင်းခါးသီးဟင်း မပါရင် ယောက်ျားက အပြစ်မပြောဘူး... မချက်ရကောင်းလားလို့လည်း မဆူဘူး.. ကြက်ဟင်းခါးသီးစားရင် ကောင်းတယ်လို့ပဲပြောတယ်။ ကလေးရလာတော့ ကလေးကလည်း ကြက်ဟင်းခါးသီး မကြိုက်ဘူး။ ဒါပေမဲ့ အမေနဲ့ စျေးသွားတဲ့အခါ မေမေ .. ကြက်ဟင်းခါးသီးဝယ်ပါ.. ဖေဖေကြိုက်တယ်လို့ ပြောတတ်တယ်။ တစ်နေ့မှာ မိန်းမမီးဖိုချောင်ဝင်တယ်။ အသားနဲ့ ငရုတ်ပွကို သူကြော်ပြီး သားနဲ့သူ့အတွက် ဟင်းတစ်ဝက်ကို အရင်ဖယ်ထားလိုက်တယ်။ ကျန်တဲ့ တစ်ဝက်ထဲ ကြက်ဟင်းခါးသီးရောထည့်ကြော်တယ်။ ယောက်ျားအတွက်ပေါ့။ ဒါကို ယောက်ျားကတွေ့တော့ ဘာလို့ ခွဲကြော်တာလဲ မေးတယ်။ သားက ကြက်ဟင်းခါးသီး မကြိုက်တော့ အတူရောကြော်ရင် အသားတွေပါ ခါးသွားမှာစိုးလို့လို့ မိန်းမကပြောတယ်။ မိန်းမပြောတာကို နားထောင်ပြီး ယောက်ျားက ရယ်တယ်။ အဲဒီနောက် ယောက်ျားက.... ကြက်ဟင်းခါးသီးဟာ ဘာနဲ့ ရောကြော်ကြော် သူ့အခါးဓာတ်ကို သူနဲ့ရောကြော်တဲ့အရာထဲ ထည့်မပေးဘူး၊ အခါးဓာတ် ကူးမပေးဘူး.. သူက လူကြီးလူကောင်းဟင်းပါလို့ ပြောတယ်။ ကြက်ဟင်းခါးသီးက သူ့အခါးဓာတ်ကို သူနဲ့ရောကြော်တဲ့အရာထဲ ကူးမပေးဘူးဆိုတာကို မိန်းမက ယုံတစ်ဝက် မယုံတစ်ဝက်ဖြစ်ပြီး အတူရောကြော်ထားတဲ့ အသားကိုစားကြည့်လိုက်တာ အဲဒီအသားက ခါးမနေတာကို တွေ့ရတယ်။ ဒါကို သားကသိတော့ ဖေဖေဟာလည်း လူကြီးလူကောင်းပါ.. သူကြိုက်တာကို မလုပ်ပေးလည်း မေမေ့ကို တစ်ခါမှ အပြစ်မဆိုခဲ့ဘူးလို့ ဆိုတယ်။ ကိုယ့်ဒေါသ၊ ကိုယ့်စိတ်ခံစားချက်အပျက်၊ ကိုယ့်ရဲ့မကောင်းတာကို ကိုယ့်ဆီမှာပဲ ချုပ်ငြိမ်းသွားစေပြီး တခြားလူကို ကူးစက်မပေးတာဟာ လူကြီးလူကောင်း၊ သူတော်ကောင်းပဲဖြစ်မယ်လို့ ကြက်ဟင်းခါးသီး ကြော်ရင်း ကျွန်မတွေးမိတယ်။ ဟင်းကျက်တဲ့အခါ ကျွန်မလည်း ကြက်ဟင်းခါးသီးနဲ့ ရောကြော်ထားတဲ့အသား ခါးမခါး စားကြည့်ဦးမယ်။ စာဖတ်သူတွေလည်း ကြက်ဟင်းခါးသီးဟင်း ချက်စားတဲ့အခါ စားကြည့်နော်... သူတော်ကောင်းဟင်းဆီကနေ သူတော်ကောင်းအကျင့်တွေ ကျွန်မတို့အတုယူရအောင်ပေါ့။ #နိုင်းနိုင်းစနေ #fypシ #心が少し軽くなる景色

968

2026-09-18 01:18:28

2026-09-17 13:52:37

To see more videos from user @kokoronokeshiki, please go to the Tikwm homepage.