@millardayo_: Waziri Mkuu, Dkt. Mwigulu Nchemba, amesema yapo mambo ambayo Tanzania imekuwa ikisemwa kwa muda mrefu na kwamba siyo ya kusingiziwa, bali yana ukweli ndani yake, likiwemo suala la kuwa na mipango mizuri lakini changamoto ikiwa katika utekelezaji. Dkt. Mwigulu amesema Tanzania imekuwa ikisifiwa kwa uwezo mkubwa wa kupanga mipango ya maendeleo, lakini baadhi ya mipango hiyo imekuwa ikiishia kwenye makabati bila kutekelezwa, huku baadhi ya mambo yakitekelezwa kwa dharura. “Mipango itekelezwe kwa wivu mkubwa kwa muda mrefu kama Nchi tumesemwa sana, Tanzania ni wazuri sana wa kupanga na mipango mizuri Tanzania ipo, lakini kilichokuwa kinatokea, tukishapanga tunaweka kwenye kabati, halafu yote tuliyokuwa tunayatekeleza yanakuja kwa dharura,” amesema Dkt. Mwigulu.