Köp adam: «Köp pul gazanasym gelýär» diýýär. Ýöne pul maksat däl, netije. Eger durmuşyňy üýtgetmek isleýän bolsaň, şu gün bir kagyz al-da, özüňe 3 sorag ýaz: 1. Men nämäni gowy başarýan? Adamlar senden köplenç nämede kömek soraýarlar? Näme edeniňde wagt çalt geçýär? 2. Şol başarnygym bilen adamlara nähili peýda getirip bilerin? Sebäbi pul köplenç seniň sarp eden wagtyň üçin däl, çözen meseläň üçin gelýär. 3. Şu işde güýçli bolmak üçin maňa näme ýetmeýär? Bilim? Tejribe? Dil? Internet? AI? Täze hünär? Jogaplaryňy ýaz. Soň özüňe 90 gün ber. Her gün azyndan 2 sagadyňy şol maksada bagyşla. Kitap oka, öwren, tejribe et, ýalňyş, täzeden synanş. Telefonyňda biderek oturýan wagtyňy öz geljegiňe goý. Ýöne diňe öwrenip oturma. Her hepde bir netije çykar. Wideo düşürýän bolsaň - wideo goý. Söwda öwrenýän bolsaň - ilkinji müşderiňi tap. Hünär öwrenýän bolsaň - eden işleriňi adamlara görkez. Sebäbi bilim diňe kelläňde galanda pul getirmeýär. Bilimiň peýda öwrülende gymmaty döreýär. Soň özüňden sora: «Näme üçin müşderi beýlekini däl-de, meni saýlamaly?» Jogabyň ýok bolsa - entek işlemeli. Menem ýyllaryň dowamynda bir zada düşündim: Puluň yzyndan ylgama. Özüňi şeýle bir güýçli et welin, pul seniň eden işiňiň netijesi bolup gelsin. Halal zähmet çek. Köp oka. Öwren. Adamlara peýda getir. Öz işiňde iň güýçlileriň biri bolmaga çalyş. Şonda bir gün seretseň, öň sen yzyndan ylgan mümkinçilikleriň indi seni gözläp başlar. Pul seni üýtgetmesin. Diňe mümkinçilikleriňi ulaltsyn. 💚🇹🇲 #turkmenistan #туркменистаннавсегда #🇹🇲 #ashgabat #ашхабадлюбимыйгород - @timsan_gulki