آر پی او فیصل آباد سہیل اختر سکھیرا سے ڈیلی سٹی رپورٹ کے وفد کی ملاقات، پولیس اور میڈیا کے باہمی تعاون پر زور ریجنل پولیس آفیسر فیصل آباد سہیل اختر سکھیرا سے ڈیلی سٹی رپورٹ کے نمائندہ وفد نے ریجنل پولیس آفس میں ملاقات کی۔ علی ضامن کی قیادت میں وفد نے آر پی او فیصل آباد کو گلدستہ اور یادگاری شیلڈ پیش کی۔ وفد نے ریجنل پولیس آفیسر سہیل اختر سکھیرا کی قیادت میں فیصل آباد ریجن پولیس کی جانب سے عوامی خدمت، کمیونٹی انگیجمنٹ، شہریوں کے مسائل کے فوری ازالے اور جرائم میں کمی کے لیے کیے جانے والے اقدامات کو سراہا۔ وفد نے کہا کہ عوام اور پولیس کے درمیان اعتماد، رابطے اور شراکت داری کو فروغ دینے کے لیے عملی اقدامات قابلِ تحسین ہیں۔ اس موقع پر آر پی او فیصل آباد سہیل اختر سکھیرا نے کہا کہ پولیس کا بنیادی مقصد صرف جرائم کی روک تھام نہیں بلکہ شہریوں کو تحفظ، سہولت اور انصاف کی فراہمی کے ساتھ ساتھ معاشرے میں امن، اعتماد اور احساسِ تحفظ کو مضبوط بنانا بھی ہے۔ پولیس اور عوام کے درمیان مؤثر رابطہ ایک محفوظ اور پُرامن معاشرے کی بنیاد ہے۔ آر پی او نے کہا کہ میڈیا معاشرے اور پولیس کے درمیان ایک اہم رابطے کا کردار ادا کرتا ہے۔ ذمہ دار اور مثبت صحافت پولیس کی عوامی خدمت، آگاہی مہمات اور کمیونٹی پولیسنگ کے اقدامات کو شہریوں تک پہنچانے میں اہم کردار ادا کر سکتی ہے۔ پولیس اور میڈیا کے درمیان مؤثر، باقاعدہ اور پیشہ ورانہ رابطہ نہ صرف عوام کو درست معلومات کی فراہمی یقینی بناتا ہے بلکہ پولیس اور عوام کے درمیان اعتماد کو بھی مزید مستحکم کرتا ہے۔ انہوں نے کہا کہ پولیس اور میڈیا کا مقصد معاشرے کی بہتری، شہریوں کے تحفظ اور قانون کی بالادستی کے لیے اپنے اپنے دائرۂ کار میں مثبت کردار ادا کرنا ہے۔ باہمی تعاون اور ذمہ دارانہ رپورٹنگ کے ذریعے جرائم کی روک تھام، عوامی آگاہی اور امن و امان کے قیام کے لیے مزید مؤثر نتائج حاصل کیے جا سکتے ہیں۔ ملاقات کے دوران پولیس اور میڈیا کے درمیان رابطے اور تعاون کو مزید مضبوط بنانے، عوامی مسائل کو اجاگر کرنے اور معاشرے میں مثبت رویوں کے فروغ کے حوالے سے بھی تبادلہ خیال کیا گیا۔ @Toba Tek Singh Police @Jhang Police @FaisalabadPolice @Chiniot Police @Dr.RizwanBhatti @𝓜𝓾𝓴𝓪𝓶𝓶𝓪𝓭𝓢𝓱𝓪𝓱𝓫𝓪𝓿 @Shoaib Altaf @Arshad Ali Abbas @Mian Munawar Iqbal @jhang police - @rpo.faisalabad