@jaccayloow: “Nolosha sida aad rabtay haday noqan weyday, ku aqbal sida ay hadda tahay.” ❤️ Mararka qaar noloshu ma noqoto sida aynu qorshaysanay. Waxaad yeelan kartaa riyooyin badan, qorshayaal qurux badan iyo waxyaabo aad rajaynaysay inay si gaar ah u dhacaan, balse noloshu mararka qaar waxay kuu keentaa wax aanad filayn. Ha ka murugoon wax kasta oo aan sidii aad rabtay u dhicin. Noloshu mar walba ma raacdo qorshahaaga, laakiin taasi macnaheedu ma aha in wax walba xumaadeen. Qaar waxay yimaadaan si ay kuu baraan sabirka, qaar si ay kuu xoogaystaan, qaarna waxay kuu furaan waddo aadan hore u aqoon. Aqbal nolosha sida ay maanta tahay, adigoo weli rajaynaya inay berri ka qurux badnaato. Ha ku noolaan “haddii ay sidaas ahaan lahayd”, ee ku noolow waxa hadda jira, kuna dadaal waxa aad mustaqbalka rabto. Noloshu mararka qaar way ku daalisaa, way ku tijaabisaa, wayna kaa qaaddaa waxyaabo aad jeclayd. Laakiin inta aad nooshahay, fursad ayaa jirta inaad dib u bilowdo, wax cusub barato, qaladaadkaaga ka gudubto, oo aad dhisto nolol ka duwan tii hore. Wax walba sida aad rabtay uma noqon karaan, laakiin waxaad baran kartaa inaad jeclaato nolosha sida ay tahay, adigoo weli u socda meesha aad rabto inaad gaadho. ❤️

~ k a a M i L a w ~❤️🫅

Open In TikTok:

Region: SO

Thursday 17 September 2026 20:12:46 GMT