@nawhmue52: သဒ်ဓါစိတျဖွဈတုနျး ပေးကမ်းစရာရှိတာ ပေးကမ်းပါ။ ဘာလို့လဲဆိုတော့ သဒ်ဓါစိတျဟာ အမြဲတမ်း ရှိနေနိုင်တာမဟုတ်လို့ပါ တစ်ခါတလေ ဒီနေ့မှာ တစ်ယောက်ယောက်ကို ကူညီချင်တယ်။ လှူချင်တယ်။ မိဘကို ဖုန်းဆက်ချင်တယ်။ တစ်ယောက်ယောက်ကို စကားကောင်းလေး ပြောချင်တယ်။ ဒါပေမယ့် နောက်မှပေါ့ ဆိုပြီး ရွှေ့ထားတတ်ကြတယ်။ တကယ်တော့ အချိန်ရွေ့သလို စိတ်လည်း ရွေ့သွားတတ်ပါတယ်။ ဒီနေ့ ကူညီချင်တဲ့စိတ်က မနက်ဖြန်မှာ ကိုယ့်အပူအပင်တွေအောက်မှာ ပျောက်သွားနိုင်တယ်။ ဒီနေ့ လှူချင်တဲ့စိတ်က နောက်နေ့မှာ မရှိတော့နိုင်ဘူး။ ဒါကြောင့် ကျွန်တော်ကတော့ ကောင်းမှုလုပ်ချင်စိတ် ပေါ်လာတဲ့အခါ အရမ်းမစဉ်းစားတော့ဘဲ လုပ်နိုင်တာလေးကို လုပ်လိုက်ဖို့ ကြိုးစားပါတယ်။ ငွေရှိရင် ငွေနဲ့ပေးပါ။ အချိန်ရှိရင် အချိန်ပေးပါ။ စကားကောင်းတစ်ခွန်း ပြောနိုင်ရင် ပြောပါ။ ဘာမှမပေးနိုင်ရင်တောင် စိတ်ညစ်နေသူတစ်ယောက်ကို နားထောင်ပေးလို့ရပါတယ်။ ဒါနဆိုတာ ပစ္စည်းပေးတာတင် မဟုတ်ပါဘူး။ ကိုယ့်နှလုံးသားကို ပိုကျယ်လာအောင် လေ့ကျင့်ပေးတာလည်း ဖြစ်ပါတယ်။ ပေးပြီးရင်လည်း ငါပေးထားတယ် ဆိုတဲ့ အကြွေးစာရင်းကို နှလုံးသားထဲမှာ မသိမ်းထားပါနဲ့။ ပေးနိုင်တာလေး ပေးလိုက်ပါ။ ပြီးရင် ပေးပြီးတဲ့အတိုင်း ထားလိုက်ပါ။ Giving changes the giver, too. သူတစ်ပါးကို ပေးလိုက်တာနဲ့ ကိုယ့်စိတ်လည်း ပိုနူးညံ့လာတတ်ပါတယ်။ ဒါကြောင့် သဒ်ဓါဖွဈတုနျး လှူပါ။ မေတ္တာဖြစ်တုန်း ပေးပါ။ ကူညီချင်တုန်း ကူညီပါ။ ကျေးဇူးတင်မိတုန်း ပြောပါ။ ချစ်နေသေးရင် ချစ်တယ်လို့ ပြောပါ။ တောင်းပန်စရာရှိရင် တောင်းပန်လိုက်ပါ။ ဘာကြောင့်လဲဆိုတော့ ကျွန်တော်တို့အားလုံးဟာ မနက်ဖြန်ကို ပိုင်ဆိုင်ထားသူတွေ မဟုတ်လို့ပါ။ ဒီနေ့ရှိနေခြင်းကိုပဲ ရထားတာပါ။ ဒီနေ့ စိတ်ကောင်းလေးရှိနေခြင်းကိုပဲ ရထားတာပါ။ အများကြီး မလိုပါဘူး။ ကိုယ်တတ်နိုင်သလောက်ကို စိတ်ရင်းနဲ့ လုပ်နိုင်ခဲ့ရင် လုံလောက်ပါတယ်။ တစ်နေ့ ဘဝကို ပြန်လှည့်ကြည့်တဲ့အခါ ငါဟာ ကိုယ့်အတွက်ပဲ ရှင်သန်ခဲ့တာ မဟုတ်ဘူး။ ရှိသလောက်လေးနဲ့ ဝေမျှခဲ့ဖူးတယ်။ တတ်သလောက်လေးနဲ့ ကူညီခဲ့ဖူးတယ်။ ချစ်တတ်သလောက်လေးနဲ့ ချစ်ခဲ့ဖူးတယ် လို့ ကိုယ့်ကိုယ်ကိုယ် ပြောနိုင်ခဲ့ရင် အဲဒါဟာ ဘဝမှာ ကျန်ခဲ့မယ့် အလှဆုံးအမွေအနှစ်တစ်ခု ဖြစ်နေမယ်ထင်ပါတယ်။ ပါမောက္ခ ဒေါက်တာ စိုင်းနော်ဂျာ#ပါမောက္ခချုပ်ဆရာတော်🙏🙏🙏 #စိတ်ချမ်းသာကြ @NawHmue