#ነገ ልደቴ ነው። 🎂🤍ነገ ሻማ ሳበራ፣ በልቤ የምቆጥረው ዕድሜዬን ብቻ አይደለም፤ እዚህ ለመድረስ ያለፍኳቸውን ሌሊቶች፣ በእንባ የጸለይኳቸውን ጸሎቶችና በየቀኑ የተሸከመኝን የእግዚአብሔር ጸጋ ነው።እንደገና እንዲህ ፈገግ እላለሁ ብዬ ማመን ያቃተኝ ጊዜ ነበር። ሰዎች ስለ እኔ የፈጠሩት ውሸት ከድምፄ በላይ ሲሰማ፣ የራሴን እውነት ተሸክሜ ብቻዬን ያለቀስሁባቸው ቀናት ነበሩ። ነገር ግን እግዚአብሔር እንባዬን አየ፤ የሰዎች ድምፅ ባይደርስበትም፣ ጸጋው የሚደርስበት የልቤ ጥግ ነበር። ዛሬ ለዚያች በዝምታ ስታለቅስ የነበረችው ለራሴ እንዲህ ማለት እፈልጋለሁ፦“እነሆ፣ ያን ጊዜ ከሕመሙ የተነሣ ልታዪው ያልቻልሽው ነገ ደርሷል። አሁንም የሚወድሽ ሰው፣ የሚያስቅሽ ቀን፣ የሚጠብቅሽ ደስታ አለ። ያለፈብሽ ሁሉ የመወደድ ዋጋሽን አልቀነሰውም።” ሕመሜን ሳስታውስ፣ ዛሬ ከእርሱ ውስጥ ያበቀለውን ርኅራኄም አያለሁ። ሌላ ሰው ዝም ብሎ ሲያለቅስ ማዳመጥን ተምሬአለሁ። ታሪኬ ለአንድ የተሰበረ ልብ እንኳን ተስፋ ከሆነ፣ በእግዚአብሔር ጸጋ ከእንባዬ ማዶ መልካም ነገር በቅሏል። በዚህ አዲስ ዕድሜዬ፣ ለራሴ የምመኘው ሰላም ነው። ራሴን ደጋግሜ ለማስረዳት የማልደክምበት፣ ያለፈውን ፈርቼ የዛሬን ደስታ የማላሳልፍበት፣ ያለ ፍርሃት የምወድበትና በነፃነት የምስቅበት ዓመት ይሁንልኝ። ልቤ ይፈወስ፣ ቤቴ በበረከት ይሙላ፣ እምነቴም ይጽና።ጌታዬ፣ ዛሬ የምለምነውን ከመናገሬ በፊት፣ ስላደረስኸኝ ላመስግንህ እፈልጋለሁ። በዚህ ልደቴ ላይ መኖሬን በሙሉ ልቤ አከብራለሁ።መልካም ልደት ለእኔ። ለራሴ ደግ የምሆንበት፣ ሕይወቴንም በፍቅር የምቀበልበት አዲስ ዓመት🫶 ይሁንልኝ።ለድንግል ማርያም ልጅ፣ ለጌታዬ ለኢየሱስ ክርስቶስ፣ ክብርና ምስጋና ለዘላለም ይሁን። 🤍😇 #@I'm queen🤍🪐 - @diborayohannes5