@matukioonline_tv: Wakili Mwandamizi Alute Mughwai Lissu, ambaye ni kaka wa Mwenyekiti wa Chama cha Demokrasia na Maendeleo (CHADEMA), Tundu Lissu, amekana vikali madai ya kumtumia Mjumbe wa Kamati Kuu ya chama hicho, Godbless Lema, kama mtu wa kati wa kumshawishi Rais Samia Suluhu Hassan ili amwachie ndugu yake. ​Ufafanuzi huo umetolewa , Septemba 17, 2026, kufuatia taarifa zilizosambazwa kwenye mitandao ya kijamii na mwanaharakati Mange Kimambi, aliyedai kuwa Alute alilipiwa gharama za malazi katika hoteli ya kifahari jijini Dar es Salaam ili kukutana na Lema kwa ajili ya mpango huo. ​Akijibu tuhuma hizo, Alute amebainisha kuwa taarifa hizo hazina ukweli wowote na kusisitiza kuwa endapo familia ingekuwa na haja ya kuonana na Mkuu wa Nchi, ina uwezo wa kufanya hivyo moja kwa moja bila kuhitaji mpatanishi au mpatanishi wa kisiasa. ​Aidha, Wakili huyo Mwandamizi ameweka wazi kuwa familia haijachukua hatua hiyo kwa sababu inaamini shauri linalomkabili Tundu Lissu halina msingi wa kisheria, hivyo wanasisitiza vyombo vya dola na mahakama kuacha sheria ichukue mkondo wake bila kuingiliwa na masuala ya kisiasa. "Kama sisi familia tutahitaji tumuombe Mama Samia ili amwachie, kwa nini tusiende sisi wenyewe? Mimi nina uwezo wa kwenda kwa Rais Samia, na mimi sijaenda kwa sababu kesi ni ya uongo. Nataka sheria ifuate mkondo wake. Kwa hiyo siwezi kumtumia Lema ili awe mtu wa kati kufanikisha hilo," amesema Alute Lissu. #SasaLive #AluteLissu #TunduLissu #GodblessLema #CHADEMA Arusha Tanzania

Matukionline Tv

Open In TikTok:

Region: TZ

Friday 18 September 2026 08:56:01 GMT