@millardayo_: Waziri Mkuu wa Jamhuri ya MuunganowaTanzania, Dkt. Mwigulu Lameck Nchemba, ameitaka Wizara ya Mambo ya Ndani kuhakikisha taasisi zinazojihusisha na ajira, utoaji wa huduma za kijamii na shughuli za kiuchumi zinaunganishwa na Mfumo wa Taarifa wa NIDA ili kuimarisha uhakiki wa utambulisho na kudhibiti udanganyifu na vitendo vya kihalifu. Ameyasema hayo katika hafla ya kilele cha Maadhimisho ya Siku ya Kimataifa ya Utambulisho, iliyofanyika katika Ukumbi wa Mlimani City, jijini Dar es Salaam ambapo ameitaka Mamlaka ya Vitambulisho vya Taifa (NIDA) kufikiria utaratibu wa kuwawajibisha wananchi wanaochelewa kuchukua Vitambulisho vyao vya Taifa baada ya kuzalishwa akisema Serikali hutumia fedha kuvizalisha ambazo zingeweza kuelekezwa katika shughuli nyingine za maendeleo. Kwa upande wake, Mkurugenzi Mkuu wa NIDA, James Kaji, amesema utambulisho ni msingi wa kumwezesha mwananchi kupata haki na fursa mbalimbali za kijamii na kiuchumi. #MillardAyoUPDATES

millardayo

Open In TikTok:

Region: TZ

Friday 18 September 2026 12:03:03 GMT