#የሳኡዲ መንግሥት ከኢትዮጵያ መንግሥት ጋር የቤት ሰራተኞችን ለመቅጠር ገብቶ የነበረውን ውል ስምምነት አገደ። ‎ ‎የሳኡዲ መንግሥት ስምምነቱን ያገደው የኢትዮጵያ መንግሥት በሥራና ክህሎት ሚኒስቴር አማካኝነት በቀረበለት ጥያቄ መሰረት ነው ። ‎ሳኡዲ ኒውስ እንደዘገበው ከሆነ የሥራና ክህሎት ሚኒስቴር ጥያቄውን ያቀረበው በአሰራሩ ላይ ያለውን ግልፅ አሰራር ለማረጋገጥ እንዲሁም ማጭበርበርን ለመግታት ፍላጎት በማሳየቱ ነው። ‎ ‎በዚህም መሰረት በሳዑዲ መንግስት የሚተዳደረው ሙሳነድ በሚል የሚታውቀው የቤት ሰራተኞች መቅጠሪያ ኤሌክትሮኒክ ፕላት ፎርም ላይ ይካሄድ የነበረው የሰራተኞች ቅጥር መታገዱ ታውቋል። ሙሰነድ የተሰኘው የኤሌክትሮኒክስ ፕላትፎርም በኢትዮጵያ መንግሥት በኩል የተመዘገቡና ህጋዊ መስፈርቶችን አሟልተው የሚሰሩ በውጭ ሀገር አሰሪና ሰራተኛ አገናኝ ኤጀንሲዎች ሰራተኞችን ከኢትዮጵያ ለመላክ የሚጠቀሙበት ፕላት ፎርም ሲሆን ይህ አሰራር በመታገዱ ምክንያት ከኢትዮጵያ ወደ ሳኡዲ አረቢያ ይካሄድ የነበረው የቤት ሰራተኞች ምልመላ ወይም ቅጥር ተቋርጧል። በዚህ ረገድ ከሁለቱ ሀገራት የተውጣጡ የቴክኒክ ቡድን አባላት አሰራሩን በተመለከተ ውይይቶች እያደረጉ ቢሆንም እስካሁን በከፍተኛ የልዑካን ቡድን ማለት በወ/ሮ ሙፈሪያት ካሚል የሥራና ክህሎት ሚኒስቴር ሚኒስትር ደረጃ ለማካሄድ የታሰበው ውይይት አልተሳካም። ‎በዚህም ምክንያት ይህ እግድ ከመውጣቱ በፊት ወደ ሳኡዲ አረቢያ ለመጓዝ በሂደት ላይ ያሉ 40,000 ሰራተኞች ዕጣ ፈንታ ምን ሊሆን እንደሚችል በግልጽ አልታወቀም። ኢትዮጵያ ሳኡዲን ጨምሮ ከጆርዳን፣ኳታር፣የተባበሩት አረብ ኤመሬትስና ኩዌት ጋ የቤት ሰራተኞች ለመላክ ስምምነት መፈጸሟ ይታወቃል። ‎ - @gurshapage