@sestv.az: Azərbaycan sərhəd mühafizəsinin formalaşması və inkişafında mühüm xidmətləri olmuş general-mayor İsgəndər Allahverdiyev son mənzilə yola salınıb. SƏS TV xəbər verir ki, “Azərbaycan Bayrağı” ordenli general-mayor İsgəndər İmanverdi oğlu Allahverdiyevin dəfn mərasimi Hərbi Memorial Məzarlıqda keçirilib. Mərasimdə mərhumun ailə üzvləri və yaxınları ilə yanaşı, Dövlət Sərhəd Xidmətinin, Müdafiə Nazirliyinin və Dövlət Təhlükəsizliyi Xidmətinin rəhbər heyəti, hərbi qulluqçular, veteran sərhədçilər, dövlət qurumlarının əməkdaşları və ictimaiyyət nümayəndələri iştirak ediblər. Mərasim zamanı general-mayorun Azərbaycan dövlətçiliyinə, ölkənin təhlükəsizliyinin və sərhədlərinin qorunmasına verdiyi töhfələr xatırlanıb, onun əziz xatirəsi ehtiramla yad edilib. Mərhumun ailəsinə və yaxınlarına dərin hüznlə başsağlığı verilib. #xəbər #xəbərlər #sondəqiqə #sestv

SƏS.TV - Operativ Xəbərlər

Open In TikTok:

Region: AZ

Friday 18 September 2026 12:28:06 GMT