ရွေးချယ်မခံရဘူးဆိုတိုင်းလည်း နာကျင်စရာ မဟုတ်ဘူး ။ တစ်ခါတလေတော့ ရွေးချယ်ခြင်း မခံရတဲ့အရာဟာ … ကိုယ်မလုပ်နိုင်တာကို သူလုပ်ပေးသွားတာလည်း ဖြစ်နေတတ်တယ် ။ ဘာကို ဆိုလိုသလဲဆိုရင် …. ချစ်စိတ်ဟာ အရာရာကို ကန်းစေပြီး ကိုယ့်ကို နာကျင်နေစေတာတောင် သည်းခံရတာကို အကျင့်ပါနေတာမျိုးရှိတတ်တယ် ။ ကိုယ့်ကို တန်ဖိုးမထား ၊ မလေးစားပဲ ပြောချင်လိုပြော ၊ လုပ်ချင်သလိုလုပ်နေတာတွေကိုလည်း ခွင့်လွှတ်နေတတ်တယ် ။ ဦးစားပေးမခံရတဲ့ နေရာကနေ … ကိုယ်ကပဲ ဦးဆုံး ဆက်သွယ် ၊ ကိုယ်ကပဲ လိုက်ညှိယူနေလို့ မြဲနေရတာတွေလည်း ရှိတယ် ။ စသဖြင့်သော အကြောင်းရာတွေဟာ self esteem ကို ကျစေပြီး မိမိကိုယ်ကို ပျောက်ဆုံးမှန်းမသိ ပျောက်ဆုံးနေတာမျိုးလည်း ဖြစ်တတ်တယ် ။ ဒီအရာတွေကနေ ရုန်းလည်းမထွက်နိုင် … ဖြတ်လည်း မဖြစ်နိုင်တဲ့ မိမိကို … သူ့ရဲ့ မရွေးချယ် ခြင်းဟာ ကယ်တင်သွားတာလည်း ဖြစ်တယ် ။ ကိုယ်စိတ်နဲ့ ကိုယ်သာဆို … ဘယ်လောက်တောင်ထိ ကြိုးစားမိဦးမလဲမသိတဲ့ ရလဒ်ကောင်းမထွက်တဲ့ ပုစ္ဆာကို သူ့ဘက်က အဖြေထုတ်ပေးလိုက်တာလည်း ဖြစ်သွားတတ်တယ် ။ ဒါကြောင့် ရွေးချယ်မခံရတိုင်း နာကျင်စရာတော့ မဟုတ်ဘူး ။ အရွေးမခံရလို့ ဝမ်းနည်းနေတဲ့အခါ… အရင်တုန်းက သူနဲ့အတူဆိုတဲ့ ဆက်ဆံရေးကို ပြန်တွေးကြည့်ပါ ။ သူဟာ ဘယ်တုန်းကမှ ကိုယ့်အတွက် မကောင်းတဲ့သူလည်း ဖြစ်နေခဲ့တတ်တယ် ။ တစ်နေ့မှာတော့ … ပိုကောင်းတာတစ်ခု ရလာလို့ဖြစ်ဖြစ် …. မိမိရဲ့ အကောင်းဆုံး Version ကို ရှာတွေ့လာလို့ဖြစ်ဖြစ် … ဒီအရာကို တွေးတတ်လာလိမ့်မယ် ။ သူ့ရဲ့ ရွေးချယ်မှုကို မခံရခြင်းဟာ ကိုယ့်ဘဝအတွက် အကောင်းဆုံး ဆုလာဘ်တစ်ခုသာ ဖြစ်နေခဲ့တော့တာပဲ ဆိုတာမျိုးပေါ့ … ။ #TharHtwe #စိတ်ဖြတ်နည်း၁၀၀ #100goodbyes #book #foryoupage - @tharhtwe2112