@qisqasitv: 🌳 Shavkat Mirziyoyev Qoraqalpog‘istondagi 330 gektarlik intensiv bog‘ni ko‘zdan kechirdi 🇺🇿 Prezident Shavkat Mirziyoyev Qoraqalpog‘istonga tashrifini atoqli davlat va jamoat arbobi Kallibek Kamalov xonadonini ziyorat qilishdan boshladi. Shundan so‘ng Kegeyli tumanidagi “ADM Agro” korxonasining zamonaviy intensiv bog‘i bilan tanishdi. 🍑 55 milliard so‘mlik loyiha doirasida 330 gektar bog‘ tashkil etilgan. Hozir 69 gektarga AQSHda seleksiya qilingan 250 ming tup qora olxo‘ri ekilgan. Bir tup daraxtdan 50–60 kilogrammgacha hosil olish mumkin. 💧 Tomchilatib sug‘orish va yopiq drenaj tizimi orqali suv sarfi 60 foizgacha kamaytirilmoqda. Mevalarni shu yerning o‘zida quritish va qayta ishlash ham yo‘lga qo‘yilgan, mahsulotlarni Xitoy, Koreya va Rossiyaga eksport qilish bo‘yicha shartnomalar tuzilgan. 📈 Ushbu tajribani butun Qoraqalpog‘iston bo‘ylab kengaytirib, intensiv bog‘lar maydonini 10 ming gektarga yetkazish va 40 mingta ish o‘rni yaratish rejalashtirilgan.

5811

191

2026-09-18 12:59:33

2026-09-18 16:07:46

To see more videos from user @qisqasitv, please go to the Tikwm homepage.