@iramqurban5: ایام فاطمیہ س 1448ھ کی مناسبت سے حرم امام حسین ع میں پرچم اور بینرز آویزاں 🚩🏴 8 ربیع الثانی، شہادتِ حضرت فاطمہ زہرا سلام اللہ علیہا کی مناسبت سے حرمِ مطہر امام علی علیہ السلام میں پرچم اور بینرز آویزاں کر دیے گئے ہیں۔ 😢💔 حضرت فاطمہ زہرا سلام اللہ علیہا کی شہادت کے حوالے سے روایات میں مختلف اقوال نقل ہوئے ہیں: 1۔ 8 ربیع الثانی: بعض روایات کے مطابق حضرت فاطمہ زہرا سلام اللہ علیہا، رسولِ خدا صلی اللہ علیہ وآلہ وسلم کی رحلت کے 45 دن بعد شہید ہوئیں۔ 2۔ 13 جمادی الاول: بعض روایات کے مطابق شہادتِ حضرت فاطمہ زہرا سلام اللہ علیہا، رسولِ خدا صلی اللہ علیہ وآلہ وسلم کی رحلت کے 75 دن بعد واقع ہوئی۔ 3۔ 3 جمادی الثانی: بعض روایات کے مطابق حضرت فاطمہ زہرا سلام اللہ علیہا، رسولِ خدا صلی اللہ علیہ وآلہ وسلم کی رحلت کے 95 دن بعد شہید ہوئیں۔ تاریخِ شہادت کے حوالے سے روایتوں میں یہ اختلاف اپنی جگہ، مگر ایک حقیقت سب کے سامنے روشن ہے کہ سیدۂ کائنات حضرت فاطمہ زہرا سلام اللہ علیہا نے اپنے بابا، رسولِ خدا صلی اللہ علیہ وآلہ وسلم کے بعد بے شمار مصائب اور مظالم برداشت کیے۔ چاہے وہ 45 دن ہوں، 75 دن ہوں یا 95 دن، غمِ فاطمہ سلام اللہ علیہا کی شدت ہر روایت میں دل کو سوگوار کر دیتی ہے۔ وہ بیٹی جس کے لیے رسولِ خدا صلی اللہ علیہ وآلہ وسلم کھڑے ہو جاتے تھے، وہ فاطمہؑ جنہیں نبیِ رحمت صلی اللہ علیہ وآلہ وسلم نے اپنی جان کا حصہ قرار دیا، وہی فاطمہؑ اپنے بابا کے بعد ایسے مصائب سے گزریں کہ دل خون ہو جاتا ہے۔ اور یوں محسوس ہوتا ہے جیسے سیدۂ مظلومہ سلام اللہ علیہا اپنے بابا سے آخری فریاد کرتے ہوئے کہہ رہی ہوں: "بابا! آپ کے بعد آپ کی امت نے ہم پر ایسے مصائب ڈھائے کہ اگر یہ روشن دنوں پر پڑتے تو سیاہ رات میں تبدیل ہو جاتے۔" السلام علیکِ یا فاطمة الزہراء، یا بنتِ رسولِ اللہ، یا سیدۃَ نساءِ العالمین #شہادت_بی_بی_فاطمہ_الزہراء😭😭 #فاطمہ_سلام_اللہ_علیھا💗 #كربلاء_المقدسة #الامام_الحسين #اللهم_عجل_لوليك_الفرج