@manyazewaleshetu: በዚሁ ትምህርት ቤት የ3ኛ ክፍል ደብተር እና ስክሪፕቶ አጥቼ ለ2 ዓመት ትምህርቴን አቋርጬ ነበር:: ዛሬ እግዚአብሔር ባርኮኝ ለ131 ተማሪዎች የመማርያ ቁሳቁስ ድጋፍ ማድረግ ስሜታዊ አድርጎ አስለቀሰኝ:: ህፃናት ዓይን ውስጥ ያየሁት ተስፋ እና ድጋፍ፣ የራሴን የልጅነት ህመም መልሶ አስታወሰኝ። እንባዬን መግታት አልቻልኩም… ያፈሰስኩት የእንባ ዘለላ ግን የሐዘን አልነበረም። በቤተሰብ እጦት እና በችግር ውስጥ አሳልፎ ለዚህ ቀን ያበቃኝን የአምላኬን ቸርነት እንዲሁም የሰው ልጅ ተስፋ ካልቆረጠ ምን ማድረግ እንደሚችል ያየሁበት የደስታ እና የምስጋና እንባ ነበር። ህይወት የቱንም ያህል ፈታኝ ብትሆንም ፣ ተስፋ ካልቆረጥንና ፈጣሪን ካመንን የማይታለፍ አቀበት የለም! ዛሬ የወደቅንበት ቦታ ነገ ለመነሳት ምክንያት ይሆናል! ምስጋን ለእግዚአብሔር እና ለ29ኛው የማንያዘዋል እሸቱ ሪትሪት ተሳታፊዎች!