@55.55.555.555.8: Aabbe waa laf-dhabarta aan ku tiirsanahay, waa garabka aan ku nasto, waa qofka aan dareemo in adduunku ii fududaanayo inta uu ila joogo. Waa hoyga qalbigayga, waa gacanta i qabata marka aan tabar darnaado, waana qofka aan u cararo marka ay dhibaato i soo wajahdo. Aabbe, erayadu ma cabbiri karaan qiimaha aad noloshayda ku leedahay. Waxaad tahay nimco aan Ilaahay ku mahadiyo maalin kasta. Farxaddaada waa farxaddayda, murugadaaduna waa murugadayda. Markaan dunida ka daalo, waxaan jeclaan lahaa inaan garabkaaga ku nasto, waayo joogitaankaaga ayaa qalbigayga dejiya. Waxaa laga yaabaa inaanan mar walba kuu sheegin inta aan kuu baahanahay, laakiin qalbigayga meel gaar ah ayaad kaga jirtaa. Wax kasta oo aad noo qabato, xitaa kuwa aanan arkin, Ilaahay baa og. Dadaalkaaga, samirkaaga iyo jacaylkaaga aan dhammaadka lahayn, dhammaantood waa wax aanan waligay illoobi doonin. Ilaahayow, waan ognahay in geeridu xaq tahay, qof kastana uu leeyahay maalin uu dunidan ka tagayo. Laakiin Rabbiyow, waxaan kaa baryaynaa inaad aabayaasheen noo ilaaliso, cimrigooda kheyr ku dheereyso, caafimaad iyo farxadna ku mannaysato. Ilaahayow, ha naga hor marin aabayaasheen. Hana na tusin maalinta aan waayi lahayn codkooda, gacantooda, taladooda iyo ducadooda. Rabbiyow, inta ay nool yihiin sharaf iyo caafimaad sii, qalbiyadoodana farxad geli.🤎🥹

Mucaashaق. 🤎🤴

Open In TikTok:

Region: SO

Friday 18 September 2026 15:00:03 GMT