@ko.rarzarwinkyal: ခါးနာတာ၊ ခါးကိုက်တာ၊ လမ်းအများကြီးလျှောက်လို့ ခြေထောက်တွေ တောင့်တင်းနေတဲ့အချိန်မှာ မီးဖိုချောင်ထဲက ပစ္စည်းလေးနဲ့တင် သက်သာအောင် လုပ်လို့ရပါတယ်။ အဲဒါကတော့ “စပါးလင်ခြောက် ပြုတ်ရည်” ပဲ ဖြစ်ပါတယ် 🍃 စပါးလင်ကို ခပ်ပါးပါးလှီးပြီး နေလှန်းထားပါ။ ကိုယ်လက်ညောင်းညာတာ၊ ခါးလေးတာ ဒါမှမဟုတ် သွေးတိုးချင်သလိုလို ဖြစ်တဲ့အခါမျိုးမှာ အဲဒီစပါးလင်ခြောက်ကို နွေးနွေးလေး ပြုတ်သောက်လိုက်ရင် တစ်ကိုယ်လုံး ပေါ့ပါးသွားတာကို ခံစားရပါလိမ့်မယ်။ စမ်းကြည့်ပြီးသားမို့ တကယ်ကို ထိရောက်တဲ့ နည်းလမ်းလေးပါ 😊 🍵 စပါးလင်ပြုတ်ရည်ရဲ့ အကျိုးကျေးဇူးများ • သွေးလေလည်ပတ်မှု ကောင်းမွန်စေတယ်- ကိုယ်လက်ညောင်းညာပြီး တောင့်တင်းနေတာတွေကို တဖြည်းဖြည်း သက်သာစေပါတယ်။ • သွေးလေကောင်းလာတဲ့အတွက် ခါးနာတာ၊ အဆစ်အမြစ် ကိုက်ခဲတာတွေကို သက်သာစေပြီး ဇက်ကြောတက်တာတွေကိုလည်း လျော့ပါးစေပါတယ်။ • ဆီးရွှင်စေပြီး လေအောင့်တာကို သက်သာစေတယ်- ကိုယ်လက်ဖောရောင်တာနဲ့ လေးလံတာတွေကို ဖယ်ရှားပေးပါတယ်။ • လူကြီးပိုင်းတွေမှာ ဖြစ်တတ်တဲ့ ရေဖျဉ်းစွဲသလို ဖောရောင်တာမျိုးအတွက် နွေးနွေးလေး သောက်ပေးရင် ဆီးသွားရတာ ပိုအဆင်ပြေစေပါတယ်။ 🚽 • သွေးတိုး အနည်းငယ်ရှိသူတွေအတွက် သွေးကြောတွေကို သဘာဝအတိုင်း ပြေလျော့စေပြီး သွေးပေါင်ချိန်ကို ထိန်းညှိပေးပါတယ်။ • စပါးလင်ရဲ့ အနံ့က စိတ်ကိုကြည်လင်စေပြီး အိပ်ပျော်ရလွယ်ကူစေပါတယ်။ 😴 (မှတ်ချက် - နာတာရှည်ရောဂါရှိသူ၊ သွေးတိုးရောဂါ အပြင်းအထန်ရှိသူ သို့မဟုတ် ဆရာဝန်ညွှန်ကြားချက်ဖြင့် ဆေးသောက်နေရသူများအနေဖြင့် ဆရာဝန်နှင့် အရင်တိုင်ပင်ပြီးမှ သောက်သုံးရန် အကြံပြုလိုပါတယ် 😉) ⏰ ဘယ်အချိန်မှာ သောက်ရင် အကောင်းဆုံးလဲ • အစားစားပြီး မိနစ် ၃၀ အကြာမှာ သောက်ပေးပါ။ • အစာကြေလွယ်စေတယ်၊ လေပွတာနဲ့ ရင်ပြည့်ရင်ကယ်ဖြစ်တာတွေကို သက်သာစေပါတယ်။ • မနက်စာ သို့မဟုတ် နေ့လည်စာ စားပြီးနောက်မှာ မိမိအဆင်ပြေသလို သောက်နိုင်ပါတယ်။ • တစ်နေ့ကို ၁ ခွက် သို့မဟုတ် ၂ ခွက် နွေးနွေးလေး သောက်ပေးရုံနဲ့တင် လုံလောက်ပါတယ်။ 🥣 ပြုလုပ်နည်း (အလွယ်နည်း) ပါဝင်ပစ္စည်းများ • စပါးလင်ခြောက် တစ်လက်ဆုပ်ခန့် (၁၀ - ၁၅ ဂရမ်ခန့်) • ရေ ၁.၅ လီတာ ပြုတ်နည်း • အိုးထဲသို့ ရေနှင့် စပါးလင်ခြောက်များ ထည့်ပါ။ • ရေဆူအောင် တည်ပြီးနောက် မီးလျှော့ကာ ၁၅ မိနစ်မှ မိနစ် ၂၀ ခန့် အနံ့မွှေးလာသည်အထိ ဆက်တည်ထားပါ။ 🏡 • ပြီးလျှင် စစ်ယူပြီး နွေးနွေးလေး သောက်သုံးနိုင်ပါတယ်။ • တစ်နေ့ကို ၁ ခွက် သို့မဟုတ် ၂ ခွက် အစားစားပြီးနောက် အဆင်ပြေသလို ခွဲသောက်ပါ။ ဟင်းချက်ရာမှာပဲ သုံးလေ့ရှိတဲ့ စပါးလင်ကို အခုလို လက်ဖက်ရည်ကြမ်းသဖွယ် ပြောင်းသောက်ကြည့်ရုံနဲ့ လမ်းလျှောက်ရတာ ပိုသွက်လက်လာပြီး ခါးနာတာတွေ သက်သာကာ အိပ်ပျော်ရတာလည်း တကယ်ကို ကောင်းမွန်စေပါတယ်။ မီးဖိုချောင်ထဲက စပါးလင်လေးတွေကို လှီးပြီး နေလှန်းထားရုံပါပဲ။ အိမ်မှာရှိတဲ့ ပစ္စည်းလေးနဲ့ပဲ ကျန်းမာရေးအတွက် အလွယ်တကူ ပြုလုပ်နိုင်တာမို့ အားလုံးပဲ စမ်းကြည့်ကြဖို့ တိုက်တွန်းလိုက်ပါတယ် 🌱 #healthtalk #ကျန်းမာရေး .

KO.RARZARWINKYAL

Open In TikTok:

Region: MM

Friday 18 September 2026 15:35:32 GMT