@mulenigusse7: ፖለቲካ ሌሎች እንዲያውቁህ ትፈልጋለህ… መንፈሳዊነት ግን አንተ ራስህን እንድታውቅ “ፖለቲካ ማለት፦ ‘እኔ ማን እንደሆንኩ ሌሎች ይወቁልኝ’ ማለት ሲሆን፤ ሃይማኖት/መንፈሳዊነት ማለት ደግሞ፦ ‘እኔ ማን እንደሆንኩ እኔ ራሴ ልወቅ’ ማለት ነው።” አንድ ሰው ሕይወቱን ሙሉ ሌሎች እንዲያውቁት ሲጥር ራሱን ማወቅ ሊረሳ ይችላል። “እኔ ማን ነኝ?” ከማለት ይልቅ፣ “ሰዎች እኔን እንዴት ያዩኛል?” ብሎ ይጨነቃል። ምን አለኝ? ምን ማዕረግ አለኝ? ሰዎች ስለእኔ ምን ይላሉ? ማን እንደሆንኩ እንዴት ላሳያቸው? እነዚህ ሁሉ ዓይንን ወደ ውጭ የሚያዞሩ ጥያቄዎች ናቸው። ኦሾ ግን ጥያቄውን ወደ ውስጥ እንድትመልሰው ይጋብዝሃል፦ “ሰዎች ስለእኔ ምን ያስባሉ?” ሳይሆን፣ “እኔ ራሴን በእውነት አውቀዋለሁ?” ይህ ነው የውስጥ ጉዞ። መንፈሳዊነት ማለት ለሌሎች ራስህን ማስረዳት አይደለም። ራስህን ለራስህ መግለጥ ነው። የምትለብሰውን ጭምብር ማየት፣ የምትከተለውን እምነት መጠየቅ፣ የሌሎችን ድምፅ ከውስጥህ ድምፅ መለየት፣ እና በመጨረሻ “እኔ ማን ነኝ?” የሚለውን ጥያቄ ከራስህ ጋር መቆየት ነው። ምክንያቱም ሰው ራሱን ሳያውቅ ሌሎች እንዲያውቁት መፈለግ የሚያስገርም ተቃርኖ ነው። ራስህን ካላወቅህ፣ ሌሎች የሚያውቁት ማንነትህ ሳይሆን የፈጠርከው ምስልህ ነው። ስለዚህ አንዳንድ ጊዜ ከዓለም ድምፅ ራስህን አርቀህ፣ በጸጥታ ከራስህ ጋር ቁጭ በል። ማን እንደሆንክ ለዓለም ለማሳየት ከመሮጥ በፊት፣ ራስህን ማወቅ ጀምር። ከዚያ ውጭ ያለው ዓለም ምንም ቢል የሚያናውጥህ አይሆንም። ፖለቲካ  “ሌሎች እንዲያውቁኝ” መንፈሳዊነት  “እኔ ራሴን ልወቅ” አንዱ ዓይንን ወደ ውጭ ይመራል፤ ሌላው ወደ ውስጥ። እና ምናልባት… የሁሉም ጉዞ መነሻ የሚሆነው አንድ ቀላል ጥያቄ ነው፦ “እኔ በእውነት ማን ነኝ?” — ኦሾ | Osho

muluken Nigusse

Open In TikTok:

Region: ET

Friday 18 September 2026 15:46:52 GMT