@inder_akimat: «ӘЖЕЛЕР ТӘРБИЕСІ – ДАНАЛЫҚТЫҢ ҚАЙНАР КӨЗІ» АТТЫ ОБЛЫСТЫҚ КӨШПЕЛІ ФОРУМ ӨТТІ Бүгін Индер ауданы әкімдігінің ұйымдастыруымен, облыстық Ардагерлер кеңесі мен облыстық Әжелер кеңесінің бастамасымен «Әжелер тәрбиесі – даналықтың қайнар көзі» атты облыстық көшпелі форум өтті. Шара барысында орталық алаңда аудандық Ардагерлер кеңесі, Әжелер кеңесі, шебер әжелер, «Дендер сазы» әжелер ансамблі, ауданға қарасты ауылдық округтердің әжелер мен әкелер кеңестері, аналар мен келіндерден құралған колонналар салтанатты түрде шеру өткізді. Шеру барысында орталық алаңдағы Домбыра монументі жанында ауданның өнері мен қолөнерін дәріптейтін көрме ұйымдастырылды. Көрмеде жергілікті өнерпаздар, қолөнер шеберлері мен суретшілер, грант иегерлері әзірлеген бұйымдармен қатар, ауданның ірі өнеркәсіп орындары өндіретін өнімдер де көпшілік назарына ұсынылды. Мәдениет үйінде жалғасқан форумның ашылуында аудан әкімінің міндетін атқарушы Фархат Шахметов сөз сөйлеп, форум жұмысына сәттілік тіледі. Форум барысында ұлттық құндылықтарды дәріптеу, ұрпақ тәрбиесі, отбасылық тәрбие мен салт-дәстүрді насихаттаудағы аға буынның рөлі кеңінен сөз болды. Облыстан және көршілес аудандардан келген Ардагерлер кеңесі мен Әжелер кеңесінің өкілдері өз тәжірибелерімен бөлісіп, мазмұнды баяндамалар жасады. Шара соңында аудан өнерпаздарының концерттік бағдарламасы ұсынылып, көпшілікке көтеріңкі көңіл күй сыйлады. Индер ауданы әкімінің баспасөз қызметі

Индер Ауданының Әкімдігі

Open In TikTok:

Region: KZ

Friday 18 September 2026 15:54:39 GMT