سافرت دول كتير وصرفت فلوس طائلة على مدار 15 سنة، والإجابة كانت واحدة: مستحيل تخلفي. الفنانة مها أبوعوف كانت الزوجة الأخيرة في حياة الموسيقار الراحل عمر خورشيد، وسبق ليها الزواج قبله بس ربنا مرزقهاش.. وحتى عمر خورشيد رحل في حـ.ـادث وسابها لوحدها في الدنيا. وبعد رحيله اكتشتفت إنها حامل لكن الحمل ما كملش وفقدت الجنين وبعدها اتجوزت تاني لكن فضلت سنين تحاول تحمل والدكاترة قالولها مستحيل تحملي ارضي بنصيبك.. بس هي كان عندها أمل في ربنا ونفسها تنجب طفل يملى عليها حياتها.. وبدأت رحلة عـ.ـلاج طويلة وسفر مستمر ودكاترة كبار أكدوا لها استحالة الإنجاب، لحد ما قررت تنسى الموضوع وتستسلم تماماً لإرادة ربنا، وقالت: ربنا لو عاوزني أحمل هيعمل كده، هو قادر على كل شيء. وفي لحظة غير متوقعة، راحت المستشفى وكان معاها أخوها الفنان عزت أبو عوف، واتفاجئت بالدكتور بيبشر أخوها بحملها وهما الاتنين كانوا في حالة ذهـ.ـول تام. الدكتور قال لعزت وقتها: أختك مستحيل كانت تبقى حامل وفقاً لكل اللي درسناه في الطب، بس حالتها دي هتخليني عمري ما أقول لواحدة إنت مش هتحملي. بسبب غرابة الحالة وخـ.ـوف الدكاترة عليها وعلى الجنين، رفضوا الولادة الطبيعية تماماً وعملوا عمـ.ـلية قيـ.ـصرية عشان يضمنوا سلامة المولود. ومن كتر تعجب الطبيب وعجزه عن تفسير الأسباب العلمية وراء هذا الحمل، كتب في شهادة ميلاد ابنها شريف: سبشيال بيبي، لأنه اعتبره معـ.ـجزة إلهية خارج كل حسابات الطب. التفاصيل دي بتأكد إن سنين الصبر والوجـ.ـع والتعب النفـ.ـسي والجسـ.ـدي اللي عاشتهم مها أبو عوف في محاولات الإنجاب ما راحتش هدر، وإن اليأس اللي سيطر عليها فترة طويلة اتقلب لفرحة ما تتصورش. شريف ابنها بقى بالنسبة لها وللكل دليل حي على قدرة ربنا فوق كل الأسباب والعلوم. مها فضلت دايماً تحكي القصة دي باعتزاز وتأثر، وتفتكر رد فعل دكتورها اللي اتعلم درس جديد في الطب على إيد معـ.ـجزة ربانية حصلت جوه غرفة المستشفى. اللحظة اللي سمعت فيها خبر الحمل كانت قمة المفاجأة بعد سنين من الإحباط وسماع الجملة المتكررة عن استحالة الخلف. المعـ.ـجزة دي غيرت حياتها تماماً وخلتها تؤمن إن باب ربنا عمره ما بيتقفل مهما طال الزمن أو قست الظروف. - @atefamin10