නුඹට නොපෙනෙන තැනක මගේ හිතට තවමත් නුඹ වෙනුවෙන්ම මල් පිපෙන්නට ඉඩ දෙමි. නුඹට නොඇසෙන තරම් නිහඬව, නුඹට නොදැනෙන තරම් දුරින්, නුඹට හිමිව තිබූ ආදරය මේ හිතේම පරිස්සම් කර තබමි. කාලයත් එක්ක සමහර මතක මැකී යාවි, සමහර රිදුම් නිහඬ වේවි… ඒත් නුඹ වෙනුවෙන් උපන් මේ හිතේ එක කොනක් කවදාවත්ම හිස් නොවේවි. මම නැවත පැමිණෙන මඟක් ඉතිරි නොකරමි. මන්ද, සමහර සමුගැනීම් නැවත හමුවීමක් බලාපොරොත්තුවෙන් නොව, හිතේ අවසන් බිඳුවත් දී නිහඬව පිටව යාමටය. බොහෝ රිදුම් අතරින් අවසානයේ මට වැටහුණෙ, හැම ආදරයකටම හිමිවීමක් අවශ්‍ය නැති බව. ඒ නිසා… නුඹට නොපෙනෙන තැනකින්, නුඹට නොදැනෙන නිහඬකමකින්, නුඹට හැමදාම ආදරය කරමින්, මගේ නමවත් නුඹේ මතකයේ ඉතිරි නොවන තරම් නිහඬව මම නවතිමි. කවදාහරි දවසක අහම්බෙන් හෝ මේ වචන නුඹේ ඇස් ඉදිරියේ නතර වුණොත් නොකියූ දේවල් කොතරම් බරදැයි නුඹටම දැනේවි… ඉතිම්, සුභ ගමන් රත්තරනේ… පරිස්සමෙන් ❤️‍🩹 Mashi..✍️ - @mashi0127