បែ//.កធ្លា///យរឿងលោក ពាង វិចិត្រប្រធានការិយាល័យចរាចរណ៍មន្ទីរសាធារណការ និងដឹកជញ្ជូនខេត្តត្បូងឃ្មុំយកតួនាទីភារកិច្ចមកធ្វើអាជីវកម្មធ្វើប័ណ្ណបើកបរ ក្នុង០១ប័ណ្ណ១២០$ ។ ពាក់ព័ន្ធនឹងករណីខាងលើ នាថ្ងៃទី១៨ ខែកញ្ញា ឆ្នាំ២០២៦ នេះ លោក ពាង វិចិត្រ ប្រធានការិយាល័យចរាចរណ៍ នៃមន្ទីរសាធារណការ និងដឹកជញ្ជូនខេត្តត្បូងឃ្មុំ បានបកស្រាយបំភ្លឺប្រាប់អ្នកសារព័ត៌មានដោយ បដិសេធចោលទាំងស្រុង។ ចំណែកឯ លោក គី ដាណារិទ្ធ ប្រធានមន្ទីរសាធារណការ និងដឹកជញ្ជូនខេត្តត្បូងឃ្មុំ បានបញ្ជាក់ថា លោក ពាង វិចិត្រ ពិតជាមន្ត្រីក្រោមឱវាទរបស់ខ្លួនពិតប្រាកដមែន ប៉ុន្តែលោកបានលើកឡើងថា លោកមិនទាន់ដឹងច្បាស់ថា ករណីលក់ប័ណ្ណបើកបរនេះជាទង្វើប្រព្រឹត្តពិតប្រាកដរបស់លោក ពាង វិចិត្រ ឬយ៉ាងណានោះទេ។ លោកប្រធានមន្ទីរបានបន្ថែមថា លោកនឹងបើកការសាកសួរ និងស្រាវជ្រាវផ្ទៃក្នុងជុំវិញករណីនេះ។ ពាក់ព័ន្ធនឹងករណីនេះ សាធារណជន បានលើកឡើងថា៖ «ការបណ្តោយឱ្យបុគ្គល ឬក្រុមខិលខូចលក់ប័ណ្ណបើកបរដល់អ្នកគ្មានបច្ចេកទេសច្បាស់លាស់ គឺស្មើនឹងការផ្តល់ហានិភ័យលើដងផ្លូវ ដែលជាដើមចមនាំឱ្យមានការបាត់បង់អាយុជីវិតមនុស្សស្លូតត្រង់ជាបន្តបន្ទាប់នៅលើដងផ្លូវ!» អាស្រ័យហេតុនេះមហាជន សូមអំពាវនាវយ៉ាងទទូចដល់ស្ថាប័នមានសមត្ថកិច្ច ជាពិសេស អង្គភាពប្រឆាំងអំពើពុករលួយ (ACU) និង ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន មេត្តាចាត់វិធានការស៊ើបអង្កេត និងបើកការស្រាវជ្រាវជាបន្ទាន់ និងស៊ីជម្រៅ ចំពោះករណីលោក ពាង វិចិត្រ និងអ្នកពាក់ព័ន្ធទាំងអស់ ដោយប្រកាន់ខ្ជាប់នូវភាពតឹងរ៉ឹង គ្មានការលើកលែង ដើម្បីជាគំរូយ៉ាងសកម្មក្នុងការលុបបំបាត់អំពើពុករលួយ និងការពារអាយុជីវិតប្រជាពលរដ្ឋនៅលើដងផ្លូវ៕ - @user1925798185765