စက်တင်ဘာ (၁၉) ၂၀၂၆ မန္တလေးက နာမည်ကြီး ပုဂ္ဂလိကဆေးရုံမှာ ငွေသားနဲ့ ပတ်စ်ပို့တွေ ပျောက်ဆုံးခဲ့ရာ CCTV စစ်ပေးဖို့တောင်းပေမယ့် “CCTV ပျက်နေတယ်”ဆိုကာ ဖြေရှင်းမပေးခဲ့သော ဖြစ်ရပ်တစ်ခုဖြစ်ပွားကြောင်းသိရသည်။ မန္တလေးမြို့က နာမည်ကြီး ပုဂ္ဂလိကဆေးရုံကြီးတစ်ခုမှာ လူနာနဲ့ လူနာရှင်တွေ အိပ်ပျော်နေချိန် အခန်းထဲက ငွေသားနဲ့ အဖိုးတန်ပစ္စည်းတွေ ပျောက်ဆုံးသွားခဲ့ပြီး ပတ်စ်ပို့နဲ့ မှတ်ပုံတင်တွေပါ ပါသွားခဲ့တယ်လို့ ကာယကံရှင်ဘက်က ပြောပါတယ်။ ဖြစ်စဉ်ကတော့ လူနာနဲ့ လူနာရှင်တွေ ညဘက်အိပ်ပျော်နေချိန် အခန်းထဲက ပိုက်ဆံအိတ်တွေ ပျောက်ဆုံးသွားတာဖြစ်ပြီး ငွေသားက သိန်းရာဂဏန်းအထိ ပါသွားခဲ့တယ်လို့ ဆိုပါတယ်။ အဲဒီအပြင် နိုင်ငံသားစိစစ်ရေးကတ်နဲ့ နိုင်ငံကူးလက်မှတ်တွေပါ ဆုံးရှုံးခဲ့တာဖြစ်ပါတယ်။ အဲဒီပစ္စည်းတွေထဲမှာ ပတ်စ်ပို့က အရေးကြီးတာကြောင့် ကာယကံရှင်ဘက်က ငွေကြေးဆုံးရှုံးမှုကို မပြောတော့ဘဲ ဆေးကုသမှုနဲ့ ခရီးသွားဖို့ လိုအပ်နေတဲ့ မှတ်ပုံတင်နဲ့ ပတ်စ်ပို့တွေကိုပဲ ပြန်ရအောင် ကူညီပေးဖို့ ဆေးရုံဘက်ကို တောင်းဆိုခဲ့တယ်လို့ သိရပါတယ်။ အခန်းနဲ့ ဆေးရုံအတွင်း တပ်ဆင်ထားတဲ့ CCTV မှတ်တမ်းတွေကို စစ်ဆေးပေးဖို့ တောင်းဆိုခဲ့ပေမယ့် အချိန်အတော်ကြာ စောင့်ဆိုင်းခဲ့ရပြီး နောက်ဆုံးမှာတော့ “CCTV ပျက်နေတယ်” ဆိုတဲ့အကြောင်းပြချက်နဲ့ မှတ်တမ်းပြသနိုင်ခြင်းမရှိခဲ့ဘူးလို့ ကာယကံရှင်ဘက်က ပြောပါတယ်။ အခုလို နာမည်ကြီး ပုဂ္ဂလိကဆေးရုံတစ်ခုမှာ လူနာတွေ အိပ်နေတဲ့အချိန် အခန်းထဲအထိ ဝင်ရောက်ပြီး ပစ္စည်းတွေ ပျောက်ဆုံးသွားတယ်ဆိုတဲ့ ဖြစ်စဉ်အပေါ် လုံခြုံရေးပိုင်းကို ဘယ်လိုစီမံထားလဲ၊ CCTV စနစ်က ဘာကြောင့် အသုံးပြုလို့မရတာလဲဆိုတာကတော့ မေးခွန်းထုတ်စရာ ဖြစ်နေပါတယ်။ အထူးသဖြင့် လူနာတွေဟာ ကျန်းမာရေးအခြေအနေကြောင့် ဆေးရုံကို ယုံကြည်ပြီး လာရောက်ကုသနေကြတာဖြစ်လို့ ဆေးရုံအတွင်း လုံခြုံရေးနဲ့ ပစ္စည်းပျောက်ဆုံးမှုလို ကိစ္စတွေ ဖြစ်လာတဲ့အခါ သက်ဆိုင်ရာဘက်က ရှင်းလင်းစွာ ဖြေရှင်းပေးနိုင်ဖို့က အရေးကြီးပါတယ်။ နာမည်ကြီးဆေးရုံဖြစ်တယ်ဆိုတာနဲ့ လူနာတွေအတွက် လုံခြုံရေးနဲ့ တာဝန်ယူမှုရှိမရှိ ဆိုတာကိုလည်း ခွဲပြီးကြည့်ဖို့လိုပါတယ်။ ကာယကံရှင်ဘက်က ပြောကြားထားတဲ့ ဖြစ်စဉ်အပေါ် သက်ဆိုင်ရာဆေးရုံဘက်ကလည်း ဖြစ်စဉ်နဲ့ပတ်သက်ပြီး ဘယ်လိုစီမံဖြေရှင်းခဲ့တယ်ဆိုတာ အများကသိလိုနေကြပါတယ်။ News Trends MM #mandalaymyanmar🇲🇲 #privatehospital #careless #takecare #foryoupage❤️❤️ - @htunnaymoe1