@mtscmz0: "လူတွေက အရမ်းရင်းနှီးသွားရင် မလေးစားကြ တော့ပါ ဘူး" လူမှုဆက်ဆံရေး တစ်ခုကို စတင်တည်ဆောက်တဲ့ အချိန်တွေဟာ အင်မတန် ချိုမြိန်ပြီး ယဉ်ကျေးသိမ်မွေ့ တတ်ကြပါတယ်... တစ်ယောက်နဲ့ တစ်ယောက် အားနာကြတယ် အပြန်အလှန် လေးစားကြတယ်၊ စကားပြောရင်တောင် တစ်ဖက်လူ ထိခိုက်မိမှာစိုးလို့ အထပ်ထပ် စဉ်းစားဆင်ခြင် ပြီးမှ ပြောတတ်ကြတယ်... ဒါပေမယ့် အချိန်တွေ ကြာလာလို့ "ငါတို့က အရမ်းရင်းနှီးနေပါပြီ" ဆိုတဲ့ အဆင့်ကို ရောက်သွားတဲ့အခါ၊ အရင်က ရှိခဲ့တဲ့ အားနာမှုတွေ၊ လေးစားမှုတွေဟာ တဖြည်းဖြည်း မှေးမှိန်ပျောက်ကွယ် သွားတတ်ပါတယ်... လောကမှာ "ရင်းနှီးမှုလွန်ကဲလာရင် လေးစားမှု လျော့ကျသွားတတ်တယ်" (Familiarity breeds contempt) ဆိုတဲ့ စကားဟာ လူ့သဘာဝရဲ့ အခါးသီးဆုံး အမှန်တရားတစ်ခုပါပဲ... ရင်းနှီးသွားတဲ့အခါ လူတွေဟာ တစ်ယောက်နဲ့ တစ်ယောက် ကြားမှာရှိတဲ့ လူမှုရေး "စည်း" တွေကို အလိုအလျောက် ဖျက်ပစ်လိုက် ကြပါတယ်... အရင်ကဆိုရင် ခွင့်တောင်းပြီးမှ လုပ်မယ့် အရာတွေကိုလည်း အခုတော့ "သူစိမ်းတွေမှ မဟုတ်တာ" ဆိုတဲ့ ခေါင်းစဉ်တပ်ပြီး ကိုယ်ထင်သလို ဝင်ရောက်စွက်ဖက်ချင်လာကြပါတယ်... "ရင်းနှီးလို့ စတာပါ" "ခင်လို့ ပြောတာပါ" ဆိုတဲ့ အကြောင်းပြချက်တွေနဲ့ တစ်ဖက်လူရဲ့ အားနည်းချက်ကို ထိခိုက်အောင် ပြောဆိုတာတွေ၊ ရိုင်းရိုင်းစိုင်းစိုင်း ပြောဆို နောက်ပြောင်တာတွေကို အလွယ်တကူ ကျူးလွန်လာတတ်ကြပါတယ်... သူစိမ်းတစ်ယောက်က ကိုယ့်ကို ကူညီရင် ကျေးဇူးတင်စကား အကြိမ်ကြိမ် ပြောတတ်ပေမယ့်၊ ကိုယ့်ရဲ့ အရင်းနှီးဆုံး သူငယ်ချင်း၊ ချစ်သူ ဒါမှမဟုတ် မိသားစုဝင်က ကူညီတဲ့အခါမှာတော့ ဒါဟာ "သူလုပ်ပေးရမယ့် တာဝန်ပဲ" လို့ သဘောထားလိုက်ကြပါတယ်... အမြဲတမ်း ကိုယ့်ဘေးမှာ ရှိနေမယ်လို့ ထင်သွားတဲ့အခါ လွယ်လွယ်နဲ့ ရလာတဲ့ ဂရုစိုက်မှုတွေကို တန်ဖိုးမထား တတ်ကြ တော့ပါဘူး... တကယ်တော့ မှန်ကန်တဲ့ ရင်းနှီးကျွမ်းဝင်မှုဆိုတာ လေးစားမှုကို ဖျက်ဆီးပစ်ရမယ့်အရာ မဟုတ်ပါဘူး... သူစိမ်းတွေ မသိတဲ့ သူ့ရဲ့ အားနည်းချက်တွေ ဒဏ်ရာတွေကို သင်က ပိုသိလာတဲ့အတွက် သူ့အပေါ်ကို ပိုပြီးတောင် နားလည်မှုတွေ လေးစားမှုတွေ တိုးပွားလာရမှာပါ... ဘယ်လောက်ပဲ ရင်းနှီးတဲ့သူ ဖြစ်ပါစေ၊ သူ့ဘဝနဲ့ သူ၊ ကိုယ့်ဘဝနဲ့ ကိုယ်ဆိုတဲ့ ကိုယ်ပိုင် အတိုင်းအတာ (Personal Space) ကို အမြဲတမ်း ချန်ထားပေးပါ... ကိုယ့်အပေါ် ကောင်းတဲ့သူကို သူစိမ်းဖြစ်စေ ရင်းနှီးသူဖြစ်စေ ကျေးဇူးတင်ကြောင်း ဖော်ပြဖို့ ဝန်မလေးပါနဲ့... ရင်းနှီးတယ်ဆိုတာ တစ်ဖက်သတ် ပေးဆပ်ခိုင်းဖို့ မဟုတ်ဘူးဆိုတာ သတိရပါ... "ငါတို့က ရင်းနှီးနေတာပဲ၊ ဘာပြောပြော ခံနိုင်ရမှာပေါ့" ဆိုတဲ့ အတွေးမျိုး မတွေးသင့်ပါဘူး... ရင်းနှီးတဲ့သူရဲ့ နှုတ်ထွက်စကားဟာ သူစိမ်းတစ်ယောက်ရဲ့ စကားထက် ပိုပြီး နာကျင်ခံစားရ စေပါတယ်... လေးစားမှု မပါတဲ့ ရင်းနှီးခြင်းဟာ ကြာလာရင် စော်ကားခြင်း အဖြစ်ကို ကူးပြောင်းသွားတတ်ပါတယ်... ဒါကြောင့်... သူစိမ်းဖြစ်စေ ၊ရင်းနှီးသူဖြစ်စေ၊ သူငယ်ချင်းဖြစ်စေ၊ မိသားစုဝင်ဖြစ်စေ အားလုံးကို လေးလေးစားစား ဆက်ဆံပြောဆို သင့်ပါတယ်... လူ့ဘဝကြီးထဲမှာ အားလုံးဟာ လူတွေကြားထဲက လူတွေပါပဲ... တစ်နေ့ သေကြရအုံးမှာပဲ... လေးစားခံရတဲ့ နာမည်တစ်လုံး ကျန်နေခဲ့ပါစေ... #foryoupage #foryou #crd #ChrisPai

1121

There are no more comments for this video.

To see more videos from user @mtscmz0, please go to the Tikwm homepage.