@nasireqbal02: پوهنتون ته چې داخل سوم، پر دې غیرت‌مند محصل مې سترگي ولگېدې. غربت یې له ورایه ښکارېده؛ د ده څېري چمپلان، زاړه کالي او د چیپټرونو راوړل د اوړو په گونۍ کي، سخت وځورولم.😔 دی نن په داسې جامو کي پوهنتون ته راځي، تر څو یو روښانه راتلونکي ولري او د خپلي کورنۍ لپاره یو اتل سی. زه ورته نژدي سوم تر روغبړ وروسته مې د نماینده پوښتنه وکړه. نماینده مې پیدا کړ او د دې محصل د وضعیت په اړه مې ورڅخه وپوښتل. هغه راته وویل رښتیا هم زموږ دا همصنفی ډېر غریب او ناچاره ځوان دی؛ خو بیا هم له دې ټولو ستونزو سره سره یې پوهنتون ته دوام ورکړی او د یوې روښانه راتلونکې یو څرک ویني. بااحساسه ملگرو! ستاسو لږه اندازه مرسته کولی شي چي دې ځوان ته ډاډ ورکړي؛ او وپوهېږي چي زموږ په ټولنه کي لا هم انسانیت ژوندی دی او خواخوږي انسانان سته. 🤲❤️ کېدای سی ستاسو لپاره لږه مرسته وي، خو د ده لپاره د خپل خوب د دوام یو لوی گام.

NasirEqbal

Open In TikTok:

Region: AF

Saturday 19 September 2026 04:45:57 GMT