@walaa.hamido: أكبر نقلة بحياتي ما صارت لما بلشت أعمل أشياء أكتر… صارت لما قررت بطل أعمل أشياء كانت عم تسرق حياتي مني. بطلت أجّل قرارات بعرف من جواتي إني لازم آخدها. بطلت قول «ما عندي وقت» وأنا عم أعطي ساعات من يومي لأشياء ما بتضيفلي شي. بطلت أفتح تلفوني وأعمل سكرول بدون هدف… وسكره بعد ساعة وأنا حتى ما بعرف شو شفت. بطلت أعطي وقتي لناس ما عندهم هدف، وكل حديثهم عن الناس والمشاكل والشكوى. بطلت نام بالنهار لمجرد إني فاضية، وبطلت أسهر لوقت متأخر وبعدين أصحى تاني يوم بدون طاقة. بطلت يكون عندي ردّة فعل على كل كلمة، وكل موقف، وكل شخص. مو كل شي بيستاهل طاقتي… ومو كل معركة لازم فوت فيها. وبطلت خاف من كلمة «لا». لا لشي ما بناسبني. لا لشي بياخد من وقتي بدون قيمة. لا لعلاقة بتستنزفني. لا لالتزام ما بيخدمني. ولا لأي شي بيبعدني عن الإنسانة يلي بدي صيرها. فهمت شغلة متأخرة: إذا كل شي بحياتك أولوية… معناتها ما عندك أولويات. واليوم؟ عندي وقت أكتر. تركيز أكتر. طاقة أكتر. قراراتي أسرع. بعرف شو بدي… وبعرف كمان شو ما بدي. والنتيجة الأكبر مو بس الأشياء يلي حققتها… النتيجة إني صرت أنا يلي بقرر وين بيروح وقتي، مع مين بتروح طاقتي، وشو بيستحق يكون جزء من حياتي. لأنه الحياة ما بتتغير بس بالأشياء يلي بتقرر تعملها… أحياناً أكبر تغيير بيبدأ من الأشياء يلي أخيراً عندك الجرأة تقول إلها: خلص.

Walaa Hamido

Open In TikTok:

Region: DK

Saturday 19 September 2026 04:48:09 GMT