@walterhabari: *SHIGELA AONGOZA ZIARA YA KUKAGUA MAENEO HATARISHI KABLA YA MVUA ZA EL-NINO** Mkuu wa Mkoa wa Manyara, Martine Shigela, ameongoza Kamati ya Ulinzi na Usalama ya Mkoa kutembelea na kukagua maeneo mbalimbali yanayoweza kuathiriwa na mvua za El-Nino zinazotarajiwa kunyesha katika maeneo mbalimbali nchini kuanzia mwishoni mwa mwezi Septemba 2026. Akiwa katika Kijiji cha Maole, Kata ya Magara, Shigela amesema Serikali inaendelea kuchukua hatua za maandalizi na kuimarisha ushirikiano na wananchi ili kupunguza madhara yanayoweza kusababishwa na mvua hizo. Katika ziara hiyo, Diwani wa Kata ya Magara, Timothy Gonzalez, alimweleza Mkuu wa Mkoa hali ya maeneo hayo pamoja na changamoto zinazoweza kujitokeza endapo mvua kubwa zitanyesha. Aidha, TANAPA imesema iko tayari kushirikiana na Serikali pamoja na wananchi katika hatua za kukabiliana na athari za mvua hizo, ikiwemo kutoa mitambo kwa ajili ya kuchimba mitaro na kuwezesha udhibiti wa maji katika maeneo hatarishi. Shigela amewataka wananchi, hususan wanaoishi katika maeneo hatarishi, kuchukua tahadhari mapema, kuhamia maeneo salama inapobidi na kuendelea kufuatilia taarifa za utabiri wa hali ya hewa zinazotolewa na Mamlaka ya Hali ya Hewa Tanzania (TMA). Ziara hiyo imefanyika ikiwa ni sehemu ya maandalizi ya Serikali ya Mkoa wa Manyara kuwaandaa wananchi kabla ya mvua hizo, kwa lengo la kupunguza madhara yanayoweza kujitokeza kwa maisha ya watu, mali na miundombinu. #walterhabariupdate #magara #elnino #maole #maweni

WALTER HABARI

Open In TikTok:

Region: TZ

Saturday 19 September 2026 07:15:36 GMT