@user29428043956202: # نظم خريس خليل القصباجي الخاطي . قوم جنب تشحاطي * لا توصل نفسك للعيب سير عندك لا تغلط يا الرايد تسقاطي * كل حفرة تحفر للغير فالنهاية نتا تسقط لا تسارع يا باطي * كل من شالا قبلك في حروبنا راح مڨمط بالعدا يزيد نشاطي * و الجحيد الي يظهر في طريقنا يصدف مشحط الخماسة : خوذ حذرك يا خاطي * راه بحر المعنات غميق ننصحك ريح ف الشط كيتي في تفراطي * من فديت اظهر بو وجهين شايد عصاتو مالوسط لي هديتو لمشاطي * خانني و خدعني ندعي الله راسو يتشوط مال مڨواه يطاطي * بعد ما كان ضريف اليوم عاد في وجهو يزبط سيرتو مثل قطاطي * يضل نافر و اذا شم الصلاح فيا يتشبط خبر اللي متعاطي * يحاول مع غيري الأنّها معايا ما تظبط لا تهرتل يا واطي * شد حالك لا تعثر آش بيك مالك تفرفط شبيه ملخة سباطي * لانديرو ندي خلي كلابنا عليه تحوط غشيم طبعو رهاطي * من تعدا نكويه بنار حامية كا يتشلفط من يقرب لبساطي * يصير نادم حتى من جا بنيته كا يتوسط فك تخبال خياطي * فرزت غزلي بعقود نتا تحل هو يتنربط متان عقدات رباطي * ما يحلهم حلال سفيه كون يطلع و يهبط زيد مشي تخياطي * على قماش الي هجاني بقول حمّقلو و اظغط حال فمو و يعاطي * غير لأني صرت بعيد راه يعوي و يعيط ياك ماضي لقاطي * بيه نقلع ظرسات افواه شاتمة فيا تلغط فالعلو درت بساطي * مايلي حاجة فالسفلاوي ولا نعبا بالرهط من عصى يشم شياطي * جميع من قالو كلمة زايدة عليهم نتسلط لا تقرب شلياطي * خيرلك لا تخرج منه رماد فحمة متشوط ما نساعف لقواطي * كم طايش طوعتو بعدها رضخ و قبل بالشرط خفيت لجحيد فباطي * ماقوى يتحرك جهدو فنا بقى غير يزعبط خبّر اللي متواطي * يصير حاذر بالو لأني فيومها ما نتبلعط وحيد لازلت نباطي * دون غيري ناجم يوم البراز نرفد و نخبط كيف يبلغ شواطي * آش جاب طراشن الباز قول لي لفراخ البط يا مجمل تقساطي * راه جهدك محدود آش يقدلك ترفد و تحط تموت لا تشوف قناطي * حالتي حال الطير الحر ينحكم ما يتخبط و الرجلة يا بلعاطي * ليس من يلبس شليق البلا بقميص مخطط آ راوي خوذ خطاطي * صول و أفخر بالحلة عالرذال بجهار و عيط دير تكلك فالعاطي * كون صبار الشدة فالمتين عندك لا تقنط بيك رصيت حياطي * يا المولى ثبتني اذا نحيد رجعني عالخط يا مصفي تخلاطي * هربتي ليك اتجاوز يا كريم عني كي نغلط يا السامع لعياطي * بجاه محمد في يوم الهوال فيا لا تفرّط آسمي في تخطاطي * وصورتي تظهر كبرها مليح ف اللوح وكرّط شكّل ودير نقاطي * وقول قال خليل القصباجي في نظامو يشحط . تمت ...#chaabi #تحياتي #تحياتي_لجميع_ #تحيا_الجزائر
