@amrabodaka: الحاجة سعاد وهبت بيتها لله عشان يفضل باب خير مفتوح حتى بعد عمر طويل ❤️ الحاجه سعاد أرمله ومخلفتش أولاد وبعد وفاة زوجها قررت تتبرع ببيتها وتخليه صدقه جارية ليها وقالت إن البيت يبقى لخدمة أهل البلد الدور الأول عيادات والدور التاني دار لتحفيظ القرآن ويستمر المكان في عمل الخير بإذن الله وما شاء الله البيت ده النهارده بقى جزء من جمعية سلسبيل الخيريه عندنا في البلد والجمعية بتخدم أسر كتير جدًا وبتساعد ناس محتاجه في حاجات كتير وكل ده بمجهود أهل البلد والشباب القائمين على الجمعيه وبمساهمات وتبرعات الناس اللي بتحب تعمل الخير وبصراحة لازم أقول كلمة حق في الشباب اللي قائمين على الجمعية لأنهم شباب محترم جدًا وبيشتغلوا في الخير بكل أمانة ودقة وبيعملوا كل حاجة بالتنسيق مع الجهات المسؤولة وهدفهم إن كل تبرع يوصل لمكانه ويتعمل بيه أكبر قدر ممكن من الخير والجميل إن البيت نفسه كان تبرع من الحاجة سعاد لكن اللي وصل المبنى للشكل اللي عليه دلوقتي كان بفضل ربنا ثم أهل البلد وكل إنسان ساهم بحاجة حتى لو كانت بسيطة ولو حد حابب يساهم في المكان أو يساعد في تشطيب المبنى أو يعمل أي حاجة لوجه الله فدي بإذن الله صدقة جارية ليك وللحاجة سعاد ولكل شخص شارك فيها وربنا يجعل كل جنيه وكل مجهود وكل ساعة تعب في ميزان حسنات الجميع أنا بحب أظهر النماذج دي لأن الخير لما بيتشاف بيشجع غيره يعمل خير ربنا يبارك في الحاجة سعاد وفي كل شباب جمعية سلسبيل وكل أهل بلدنا وكل إنسان ساهم في الخير وربنا يجعلها صدقة جارية علينا جميعًا ❤️🤲