@timetvazerbaijan: ABŞ bir azərbaycanlının başına 75 min dollar mükafat qoyub. Time TV bildirir ki, bu barədə ABŞ Federal Təhqiqatlar Bürosunun (FBI) saytında məlumat yerləşdirilib. Azərbaycan əsilli Ceyhun Nəsimi oğlu Aslanovun tutulmasına kömək edəcək məlumat üçün 75 min ABŞ dollarınadək mükafat elan edilib. Aslanov ABŞ-da 2016-cı il prezident seçkiləri də daxil olmaqla, ölkənin siyasi sisteminə müdaxilə ilə bağlı genişmiqyaslı əməliyyatda iştirak etməkdə ittiham olunur. ABŞ hüquq-mühafizə orqanlarının iddiasına görə, Aslanov Rusiyada fəaliyyət göstərdiyi bildirilən “Internet Research Agency” (IRA) təşkilatının ABŞ-a yönəlmiş “Translator Project” layihəsinə rəhbərlik edib. FBI onun sosial media platformalarında amerikalılara təsir göstərməyə yönəlmiş fəaliyyətlərdə iştirak etdiyini bildirir. FBI Aslanova qarşı bir sıra ağır ittihamlar irəli sürüb. İddialara görə, o, ABŞ maliyyə institutlarında saxta adlarla hesablar açıb və IRA-nın ABŞ-dakı fəaliyyətlərini maliyyələşdirmək məqsədilə ölkəyə pul köçürülməsi və ölkədən pul çıxarılmasında iştirak edib. FBI-nin məlumatına görə, Aslanov rus və ingilis dillərində danışır və onun Rusiya, Bolqarıstan, Azərbaycan, Gürcüstan və Finlandiya ilə əlaqələri var. Onun barəsində 16 fevral 2018-ci ildə ABŞ-ın Kolumbiya dairəsi üzrə Federal Dairə Məhkəməsində həbs qərarı çıxarılıb. FBI Aslanovun harada olduğu barədə məlumatı olan şəxsləri ən yaxın ABŞ səfirliyi və ya konsulluğu ilə əlaqə saxlamağa çağırır. #timetvazerbaijan #timetvazərbaycan #wanted

Time TV

Open In TikTok:

Region: NL

Saturday 19 September 2026 18:07:34 GMT