@apdullahiyoww8: Mararka qaarkood haddii aad dadka ka maqasho sida ay uga hadlaan shukaansiga, waxaad mooddaa in jacaylku yahay wax si lama filaan ah cirka uga soo dhacaya: laba qof ayaa is arkay, indhahoodu is qabteen, qalbiyadooduna waxay yidhaahdeen, “Waa isaga!” ama “Waa iyada!” Dabadeed sheekadii baa bilaabata. Laakiin haddii arrintan in yar laga fogaanayo oo indhaha bayoolajiga, dabeecadda iyo cilmi-nafsiga lagu eego, shukaansigu ma aha oo keliya laba qof oo is jecel. Waxa uu sidoo kale leeyahay doorasho, tartan, qiimayn, soo jiidasho iyo waxa aan tusaale ahaan ugu yeedhi karno “suuqa shukaansiga.” Suuqgan ma aha suuq lacag lagu kala iibsado, dabcan. Ma laha miis lagu dul kala dhigayo rag iyo dumar, mana jiro qof albaabka taagan oo leh: “Ninkan maanta qiimihiisu waa intaas!” Hase yeeshee, sida suuq kasta oo kale, waxa ka jira dalab iyo baahi, tartan iyo doorasho, qof wax doonaya iyo qof la dooranayo. Waxaa laga yaabaa in tani tahay sababta mararka qaarkood aad u aragto nin aad u dadaalaya sidii uu gabadh u soo jiidan lahaa, halka gabadhuna ay si deggan u eegayso, u dhagaysanayso, u qiimaynayso, ugu dambayntiina ay odhanayso: “Haa” ama “Maya.” Haddaba maxaa sababay in raggu inta badan noqdaan kuwa bilaaba xodxodashada, halka dumarku badanaa noqdaan kuwa dooranaya? Dabeecadda ka hor shukaansiga Dunida xayawaanka marka la eego, tani ma aha wax bini’aadamku sameystay. Noole kasta oo jinsi ahaan u tarma wuxuu leeyahay hab u gaar ah oo lammaane lagu raadsado. Waxaa jira xayawaan cajiib ah oo la yidhaahdo sea-horse, ama faras-badeed. Noocan xayawaanka ah, dheddiggu ayaa soo saara ugxanta, laakiin labka ayaa uurka qaada oo dhallaanka gudaha jeeb gaar ah ku kobciya. Taasi waxay ka dhigaysaa mid ka duwan habka caadiga ah ee xayawaanno badan. Sababtoo ah labka faras-badeedku wuxuu qaadanayaa culayska weyn ee taranka, habka shukaansigiisuna wuu ka duwan yahay waxa aynu caadi ahaan aragno. Laakiin noolayaasha badankood, gaar ahaan kuwa labka iyo dheddigga leh ee tarankoodu ku salaysan yahay ugxan iyo shahwo, culayska taranka si siman looma qaybsado. Halkaas ayay dooddu ka bilaabataa. Yaa kharash badan ku bixiya taranka? Waxaa jirta aragti cilmiyeed loo yaqaan Parental Investment Theory, oo si guud u tilmaamaysa in jinsiga ku bixiya taranka waqti, tamar iyo khayraad badan uu badanaa noqdo midka taxaddarka badan marka uu dooranayo lammaane. Si fudud haddii loo dhigo: Qofka khasaaruhu kaga weyn yahay doorasho khaldan, doorashadiisu waxay u badan tahay inay taxaddar badan yeelato. Aadamaha dhexdiisa, haweeneydu waxay qaaddaa uurka muddo ku dhow sagaal bilood, waxay martaa dhalmada, waxaana xiga naasnuujin iyo daryeel ilmo oo mararka qaarkood sannado badan soconaya. Ninku, marka laga eego kharashka dabiiciga ah ee bilowga taranka, culayskaas jidheed ma qaado. Taas macnaheedu ma aha in ninku aanu waalid ahaan masuuliyad badan qaadi karin ama aanu ilmo korin karin. Dabcan wuu qaadi karaa, waana in uu qaadaa. Laakiin dooddu waxay ku saabsan tahay kharashka dabiiciga ah ee taranka bilowgiisa, kaas oo labada jinsi si siman ugu dhicin. Halkaas ayay ka dhalan kartaa kala duwanaanshaha habka lammaane loo raadsado. Mawduucann xasaasiga ah dhowrr qaybb oo kleh ayaann kasamynn doona I.n…!!!! #apdullahiyowww

apdullahiyoww8📖👓📝

Open In TikTok:

Region: UG

Saturday 19 September 2026 18:54:41 GMT