@codkagudaha: Jidhku wuu seexan karaa, indhuhuna way isku xidhmi karaan, laakiin haddii qalbigaagu xambaarsan yahay wax aan weli xal loo helin, hurdadu ma gaadhi karto meesha xanuunku yaallo. Waxaa jira daal aan ka dhalan shaqo badan, Balse ka dhasha fikir badan. Daal aan ka dhalan habeen-soo jeed, Balse ka dhasha qalbi aan nasan. Mararka qaar waxa aad u baahan tahay ma aha hurdo dheer oo keliya, Waxaad u baahan tahay xasillooni gudaha ah, eray aanad weli sheegin, ilmo aanad weli daadin, ama inaad naftaada ka sii daysid wax ay muddo dheer xambaarsanayd. Waayo jidhka daallan hurdadu way dejisaa. Laakiin ruuxda daallan waxaa bogsiisa xasiloonaanta. Xasilooni ah inaad ogaato in wax kasta oo kugu dhaawacay aysan mudnayn inaad weligood qalbigaaga ku sidato. Mararka qaar bogsashadu waxay bilaabantaa marka aad naftaada u oggolaato inay tidhaahdo:- “Waan daalay laakiin ma sii xambaarsanaan doono waxa iga qaaday deggenaanshahayga.” Habeenka ugu dheer, subax baa ka dambeeya. Xanuunka ugu qoto dheerna, maalin baa iman doonta aad dib u neefsato adigoon culayskii hore la soo toosin. Markaas ayaad fahmi doontaa, In waxa ruuxdaadu u baahnayd uusan ahayn hurdo ay wax ku illoowdo, ee uu ahaa xasilooni ay ku nasato kuna qaadato neef qaadasho qotodheer." #fypシ゚viral🖤tiktok #somalitiktok #viral #philosophy #foryou