ماں کو بیمار نہیں ہونا چاہیے…! یہ مائیں بیمار نہیں ہونی چاہئیں… کیونکہ ماں کے بیمار ہونے سے صرف اُس کا جسم نہیں ٹوٹتا، اُس کی اولاد کے اندر بھی کچھ ٹوٹنے لگتا ہے۔ ماں کے ماتھے پر بخار ہو تو اولاد کی پیشانی پر فکر کی لکیریں اُتر آتی ہیں۔ ماں کی آنکھوں میں درد ہو تو اولاد کی آنکھوں سے نیند روٹھ جاتی ہے۔ اور جب ماں ہسپتال کے بستر پر لیٹی ہو، ہاتھ میں ڈرِپ لگی ہو، تو اُس کی اولاد دنیا کی ہر نعمت کے بدلے صرف ایک دعا مانگتی ہے: "یا اللہ! میری ماں کو ٹھیک کر دے… اُس کا درد مجھے دے دے، مگر اُس کی تکلیف مجھ سے دیکھی نہیں جاتی۔" عجیب بے بسی ہوتی ہے نا… جس ماں نے ہماری ہر تکلیف اپنے سینے سے لگا کر کم کی، آج اُسی کی تکلیف کے سامنے ہم بے بس کھڑے ہوتے ہیں۔ ہم چاہتے ہیں کہ اُس کے قدموں میں بیٹھ کر اُس کا درد چُرا لیں، اُس کی آنکھوں سے آنسو پونچھ دیں، اُس کے ماتھے پر ہاتھ رکھ کر کہیں: "ماں! بس آنکھیں بند کرو، میں یہیں ہوں۔" مگر دل کے کسی کونے میں ایک خوف مسلسل دھڑکتا رہتا ہے… کہ اگر ماں کو کچھ ہو گیا تو؟ ہم کس کے سامنے بچے بن کر روئیں گے؟ کس کی آواز ہمیں اندر سے سکون دے گی؟ کون ہمارے چہرے کی پریشانی دیکھ کر پوچھے گا: "بیٹا! کیا ہوا ہے؟" ماں کے بیمار ہونے پر انسان کو پہلی بار احساس ہوتا ہے کہ وہ کتنا بڑا ہو گیا ہے، مگر ماں کے بغیر کتنا چھوٹا اور بے سہارا ہے۔ اُس وقت نہ دولت یاد رہتی ہے، نہ دنیا کی مصروفیات، نہ کوئی خواہش… بس ایک ہی دعا دل سے نکلتی ہے: "اے اللہ! میری ماں کو صحت دے دے، اُس کی عمر میں برکت دے، اُس کے چہرے کی مسکراہٹ واپس لوٹا دے۔ کیونکہ ماں کے بغیر زندگی کا تصور بھی دل کو اندر تک ہلا دیتا ہے۔" اور اگر آپ کی ماں آج صحت مند ہے… تو خدارا، اُس کے پاس بیٹھ جایا کریں۔ اُس کا ہاتھ تھام لیا کریں۔ اُس سے بات کر لیا کریں۔ کیونکہ ماں کی موجودگی ایک ایسی نعمت ہے جس کی قدر اکثر انسان اُس وقت سمجھتا ہے، جب اُس کے پاس صرف یادیں رہ جاتی ہیں۔ اللہ پاک ہر ماں کو صحت، عافیت اور لمبی زندگی عطا فرمائے۔ آمین۔ #fyppppppppppppppppppppppp #deepthoughts #virlvideo #dontunderreviewmyvideo #fypシ゚viral - @sweetwhisper9