कोरियामा भाँडा माझ्दै मलाई गाली गर्ने दलालरूलाई म कमारो भन्छु । हर्क साम्पाङ, सर्वोच्च नेता, सांसद, श्रसपा यी त ओलीभन्दा पनि बढी अहंकारी र घमण्डी भएर निस्किए। यहाँ कसैले श्रमलाई गाली गरेको छैन, देशको माटोलाई गाली गरेको छैन। आलोचना गरिएको हो भने अध्यक्ष र केही कार्यकर्ताको व्यवहार, हर्कत तथा प्रयोग गरिएका गलत र अपाच्य शब्दहरूको हो। यो फरक छुट्याएर बुझ्न जरुरी छ। लोकतान्त्रिक देशमा कुनै दल, नेता वा कार्यकर्ताको आलोचना हुनु सामान्य र स्वाभाविक कुरा हो। आलोचना हुँदैमा त्यसलाई तुरुन्तै ‘माटोविरोधी’ वा ‘श्रमविरोधी’ को आरोप लगाउनु उचित हुँदैन। आलोचना दलको नीति, व्यवहार वा व्यक्तिको कार्यशैलीप्रति हुन सक्छ; त्यसलाई देश, माटो र श्रमप्रतिको विरोधसँग जोड्नु विषयलाई अनावश्यक रूपमा गलत दिशातर्फ लैजानु हो। यदि साँच्चिकै माटो र श्रमप्रतिको विरोध हुन्थ्यो भने, अघिल्लो कार्यकालमा त्यही श्रम र माटोको पक्षमा भएका कामलाई किन समर्थन गरियो? त्यसैले व्यक्ति, व्यवहार र विचारको आलोचना अनि देश, माटो र श्रमको सम्मानबीचको फरक छुट्याउन सक्नुपर्छ। अन्ततः राजनीति गर्नेहरूको बोल्ने शैली, व्यवहार र हर्कत देशको संस्कार र नेपाली माटोको गरिमासँग सुहाउने हुनुपर्छ। आलोचना सुन्न सक्ने संस्कार र गल्ती स्वीकार गर्न सक्ने विनम्रता भयो भने धेरै कुरा आफैं ठीक हुन्छ। #harkasampang#korea#thumki#online#tv - @prabesh.rai711