@jamiivoice_: HABARI: Mkuu wa Wilaya ya Ludewa, Olivanus Thomas, ameagiza kufutwa kwa mkataba wa mkandarasi Madunda Construction na kuwataka TAKUKURU kuanza mara moja uchunguzi wa ujenzi wa barabara ya Kigasi–Milo, baada ya kubaini kasoro katika utekelezaji wa mradi huo. Olivanus ametoa maagizo hayo Septemba 18, 2026, alipofanya ziara ya ukaguzi wa maendeleo ya ujenzi wa barabara hiyo, unaohusisha ujenzi wa barabara za zege (Concrete Strips) pamoja na makaravati. Akizungumza wakati wa ukaguzi huo, Mkuu huyo wa Wilaya amesema hajaridhishwa na utekelezaji wa mradi huo, akibainisha madai ya ujenzi chini ya kiwango na kushindwa kutekeleza maelekezo aliyoyatoa mwezi Machi 2026 ya kurekebisha maeneo ambayo tangu awali yalionesha kutokujengwa kwa ubora unaohitajika. Kutokana na hali hiyo, Mhe. Olivanus ameiagiza Wakala wa Barabara za Vijijini na Mijini (TARURA) kuchukua hatua za kufuta mkataba wa mkandarasi Madunda Construction, huku Taasisi ya Kuzuia na Kupambana na Rushwa (TAKUKURU) ikiagizwa kuanza uchunguzi wa mradi huo mara moja. Hatua hiyo inalenga kuchunguza utekelezaji wa mradi na kushughulikia hoja zilizojitokeza katika ukaguzi wa ujenzi wa barabara ya Kigasi–Milo.

Jamii Voice

Open In TikTok:

Region: TZ

Sunday 20 September 2026 10:22:30 GMT